Jeŭračynoŭniki patrabujuć prybrać kryžy i nimby sa słavackich jeŭra
U kancy minułaha hoda Jeŭrapiejskaja kamisija zapatrabavała, kab Nacyjanalny bank Słavakii prybraŭ chryścijanskija kryžy i nimby z manietaŭ jeŭra, jakija čakanić Słavakija.
Maniety byli zroblenyja ŭ honar
Ale słavackija maniety buduć mieć chadžeńnie pa ŭsioj Jeŭropie. A jeŭrapiejskija praviły zabaraniajuć demanstracyju na karyść peŭnaha vieravyznańnia.
Słavacki arcybiskup Zvalenski skazaŭ, što ŭ ES jość płyń, jakaja vystupaje za relihijny niejtralizm i nie moža pryniać chryścijanskija kaštoŭnaści. Pavodle śviatara, u Jeŭropie nazirajecca chvala vajaŭničaha siekularyzmu, ŭ toj čas jak kantynient sprabuje vypracavać ahulnuju identyčnaść.
Pavodle Zvalenskaha chryścijanstva — adzin ź niešmatlikich elemientaŭ, jaki moh by abjadnać z nastupnaha miesiaca ŭžo 28 dziaržavaŭ, jakija adroźnivajucca historyjaj i ŭzroŭniami ekanamičnaha raźvićcia. Adnak relihija robiacca novaj linijaj raskołu pamiž bolš siekularnaj, śvieckaj Zachodniaj Jeŭropaj i bolš relihijnymi krainami ŭschodu kantynienta, takimi jak Polšča i Słavakija.
Jeŭrakamisija apynułasia pad ciskam z dvuch bakoŭ — ad vajaŭničych ateistaŭ i vajaŭničych fundamientalistaŭ.
Jeŭropa prasiaknutaja chryścijanstvam, prynamsi ŭspaminami pra jaho. Chramy, chaj navat zaraz i pustyja — nieadjemnaja častka jeŭrapiejskaha piejzažu, karani ŭniviersitetaŭ — u siaredniaviečnaj relihijnaj navucy, himny mnohich jeŭrapiejskich krainaŭ słaviać Boha.
Navat pieršapačatkovy ściah ES — 12 zorak pa kole na sinim fonie — mieŭ chryścijanskaje pachodžańnie: francuzski mastak, jaki malavaŭ jaho, natchniaŭsia ikanahrafijaj Dzievy Maryi ŭ karonie z 12 zorkami.
Ideja abjadnańnia Jeŭropy biare pačatak z časoŭ kiravańnia Karła Vialikaha, pieršaha impieratara Śviatoj Rymskaj impieryi.
Adnak Rymskaja damova 1957 hoda, na jakoj hruntujecca ciapierašni Jeŭrasajuz, nie ŭtrymlivaje spasyłak na Boha i chryścijanstva.
Piarečańni suprać płanaŭ Słavakii čakanić na manietach śviatych Kiryła i Miafodzija z kryžami i nimbami vykazali Francyja i Hrecyja. Francyja — z pryčyny siekularyzmu, słavackija maniety buduć mieć chadžeńnie i ŭ Francyi, Hrecyja — tamu, što bačyć u vyjavach vizantyjskich manachaŭ pretenziju na hreckuju histaryčnuju spadčynu.
Siekularyzm instytutaŭ ES vyklikaje krytyku z boku ludziej hłybokaj relihijnaj viery i kansiervatyŭnych pohladaŭ. «Jość padazreńnie, što ES kantraluje djabał» — kaža Rafael Rafaj, lidar pravaj nacyjanalistyčnaj partyi Słavakii. Niekatoryja fundamientalisty miarkujuć, što źniknieńnie miežaŭ u Jeŭropie — prykmieta nabližeńnia Apakalipsisa.
Adnak lidary ES uśviedamlajuć svaje karani. Ciapierašni kancler Hiermanii Anhieła Mierkiel, dačka pastara, u adkaz na zaniepakojenaść jaje prychilnikaŭ rostam kolkaści musulmanaŭ u krainie skazała, što ŭ Hiermanii nie zašmat isłamu, a zamała chryścijanstva.
Viera ŭ Jeŭropie sapraŭdy słabieje. U Vialikabrytanii, pavodle letašniaha apytańnia, u inšapłanietnikaŭ vieryć bolš ludziej, čym u Boha. Naohuł u krainach ES vieryć u Boha prykładna kožny druhi, u toj čas jak u ZŠA — 90%.
Spasyłki na chryścijanskuju spadčynu nie trapili ŭ Lisabonskuju damovu 1997 hoda ab reformie i raźvićci ES, zamiest hetaha tam havorycca ab «kulturnaj, relihijnaj i humanistyčnaj spadčynie Jeŭropy».
Arcybiskup Bracisłavy miarkuje, što vysiłki pa stvareńni jeŭrapiejskaha adzinstva skončacca marna, kali ŭ ich nie budzie miesca Bohu.
Jon ubačyŭ stanoŭčuju prykmietu ŭ tym, što Nacyjanalny bank Słavakii admoviŭsia vykanać patrabavańnie Jeŭrakamisii. I Brusel sastupiŭ: sa spaźnieńniem na 2 miesiacy bracisłaŭskija jeŭra buduć adčakanienyja tak, jak hetaha chočuć u Bracisłavie — ź nimbami i kryžami.
Kamientary