Kiraŭniki pradpryjemstvaŭ musili zabiaśpiečyć nie tolki nabyćcio biletaŭ, ale i jaŭku.
Zabiaśpiečyć udzieł i dać spravazdaču ŭ adździeł kultury rajvykankama ab kolkaści nabytych kvitkach na kancert śpiavački Hanny Šarkunovaj, jaki płanujecca 13 červienia ŭ Hancavičach, abaviazali kiraŭnikoŭ pradpryjemstvaŭ, ustanoŭ i arhanizacyj Hancavickaha rajona.
Z prośbaj akazać sadziejničańnie i pierakanać padnačalenych vydatkavacca na kancert da kiraŭnikoŭ źviarnuŭsia namieśnik staršyni Hancavickaha rajvykankama Siarhiej Sarakoŭ.Voś tekst razasłanaj telefanahramy: «13 červienia 2013, a 18.00 u haradskim Domie kultury adbudziecca kancert Hanny Šarkunovaj (h. Minsk). Cana kvitka 40 000 rubloŭ.
Prašu akazać sadziejničańnie i zabiaśpiečyć udzieł u kancercie delehacyi pracoŭnaha kalektyvu ŭ kolkaści, zhodna z dadatkam. U termin da 11 červienia 2013 hoda pradastavić u adździeł kultury rajvykankama (kab. 413) infarmacyju ab nabytych kvitkach i paćvierdzić jaŭku delehacyi».
Takim pravieranym i nadziejnym sposabam u horadzie Hancavičy dałučajuć da kultury. A to ci mała, hancaŭcy voźmuć dy i nie pojduć na kancert staličnaj zorki, i śpiavać artystcy pryjdziecca ŭ paŭpustoj zale… Jak takoje dapuścić? — iranizujuć aŭtary vydańnia «Hancavicki čas».
Cikava, što pradusar Hanny Šarkunovaj Uładzimir Kubyškin nie tak daŭno hanaryŭsia niezaležnaściu svaich artystaŭ.«My nikoli nie byli pad „dachami“ fiłarmonij ci kancertnych załaŭ. Nam zakručvali hajki, ale ciapier nivodnaja svołač nie zmoža mianie papraknuć ni ŭ čym», — kazaŭ jon. Vidać, znajšoŭsia dach vyšej za fiłarmaničny.
Ciapier čytajuć
Biełaruskaja i rasijskaja armii na biełaruskaj terytoryi trenirujucca nanosić jadzierny ŭdar8
Kamientary