U Biełarusi płanujecca stvarać lasnyja kłastary, paviedamiŭ žurnalistam 22 maja ŭ Minsku na adkryćci mižnarodnaj śpiecyjalizavanaj vystavy «Lesdreŭtech» pieršy namieśnik ministra lasnoj haspadarki Fiodar Lisica.
Pavodle jaho słoŭ, užo siońnia stvarajucca płantacyi dla atrymańnia enierhietyčnaj i bałansavaj draŭniny. «Ich treba rabić jak kłastary», — miarkuje Lisica. Stvareńnie płantacyj dazvalaje skaracić terminy abarotu vysiečki i atrymlivać draŭninu praz 30–40, a nie praz 80–100 hadoŭ.
«Pierad biełaruskaj lasnoj halinoj staić zadača, jak i va ŭsim śviecie, maksimalnaha vykarystańnia lasnoha resursu. Technałohii kožny hod abnaŭlajucca. Siońnia papularnaść nabirajuć takija vidy pradukcyi, jak bijapłastmasa, dranka, hranuły i inšaje bijapaliva. Resurs hazu i nafty nie viečny, a naš resurs adnaŭlajecca», — zaznačyŭ śpiecyjalist.
Zaraz adbyvajecca aktyŭnaje asnaščeńnie haliny technikaj, što dazvolić najbližejšymi hadami efiektyŭna vykarystoŭvać i pierapracoŭvać lasny resurs, skazaŭ Lisica.
Kamientary