Sumlenny złodziej skraŭ taksi, a potym pazvaniŭ i skazaŭ, dzie šukać
Vypadak adbyŭsia ŭ Maładziečnie. U noč na 29 krasavika 31-hadovy mužčyna ŭhnaŭ taksi, ale potym pieradumaŭ, pazvaniŭ maci kiroŭcy i skazaŭ, dzie jaho šukać.
Kala 00.30 taksist padjechaŭ da maładziečanskaha načnoha kłuba «Mahnit». Pabačyŭšy niepadalok svajho znajomaha, jon padsieŭ da jaho ŭ mašynu, kab krychu parazmaŭlać. Ruchavik u svaim «Miersiedesie Bency» vyrašyŭ nie vyklučać i dźviery nie zamykać.
Mužčyna, jaki jakraz bačyŭ heta, paddaŭsia spakusie, sieŭ u mašynu dy pajechaŭ.
Taksist ŭbačyŭ, jak jaho mašyna vyjazdžaje sa stajanki, ale padumaŭ, što heta niechta žartuje.
Potym užo razam ź inšym taksistam jon kinuŭsia naŭzdahon. Ale takija miery akazalisia niepatrebnymi.
Złodziej padumaŭ i vyrašyŭ viarnuć aŭtamabil. Jon pazvaniŭ maci zakonnaha kiroŭcy i skazaŭ, što čakaje na stajancy kala čyhunki.
Jaho zatrymała milicyja.
Ciapier zaviedziena kryminalnaja sprava. Złodzieju pahražaje ad dvuch da piaci hadoŭ abmiežavańnia voli albo pazbaŭleńnia voli da piaci hadoŭ.
Aryštavany 75‑hadovy Źmicier Sańko — vieteran-vydaviec3
Kamientary