Siarod pretendentaŭ na pryvatyzacyju TAA «Minski marharynavy zavod» i kandytarskaj fabryki «Konfa» jość i litoŭskija kampanii, adznačaje litoŭskaja dziełavaja hazieta Verslo zinios.
«Hetymi pradpryjemstvami cikaviacca litoŭskija kampanii, ja dumaju, što ŭ ich jość mahčymaść pieramahčy na adboračnych konkursach inviestaraŭ, jakija pavinny adbycca pryblizna praz paru miesiacaŭ», — śćviardžaje daradca prajekta Suśvietnaha banka ŭ Biełarusi i Nacyjanalnaha inviestycyjna-pryvatyzacyjnaha ahienctva Jana Rajn-Bodard.
Dva hady tamu biełaruski ŭrad zaćvierdziŭ śpis vaśmi pradpryjemstvaŭ, ździełki pa pryvatyzacyi jakich budzie ažyćciaŭlać kantralavanaje Ministerstvam ekanomiki Nacyjanalnaje inviestycyjna-pryvatyzacyjnaje ahienctva sumiesna z Suśvietnym bankam i finansavymi daradcami.
«U litoŭskich inviestaraŭ dobraja reputacyja, akramia taho, lepšaja siarod usich bližejšych susiedziaŭ, i ŭ Biełarusi ich čakajuć. Ja dumaju, što ŭ Litvie niamała kampanij, jakija mahli b pašyracca na vielizarny ŭschodni rynak praź Biełaruś, asabliva pa pryčynie adzinych padatkovych umovaŭ pry handli z Rasijaj i Kazachstanam», — śćviardžaje Rajn-Bodard.
Ciapier čytajuć
Dla kaho sabralisia budavać vielizarny vantavy most u Minsku?3
Kamientary