Pieršym namieśnikam staršyni KDB staŭ čałaviek, jaki šukaŭ ekstremizm u knihach Sieviarynca i haziecie «Hłos z-nad Niemna»
Piatnica pryniesła kadravyja pryznačeńni ŭ KDB. Źjaviŭsia pieršy namieśnik i prosta namieśnik Valeryja Vakulčyka.
Pieršym namieśnikam zamiest Viktara Viahiery (zvolnieny aficyjna praz uzrost) staŭ staršynia Mahiloŭskaha abłasnoha KDB Ihar Sierhiajenka. Jamu 50 hadoŭ. Rodam ź vioski Stalica Šarkaŭščynski rajon.
Skončyŭ histfak BDU (1984), Akademiju kiravańnia pry prezidencie. Ad 1988 – u orhanach dziaržbiaśpieki. Žanaty, maje dvaich dziaciej. Hienierał-major.
Ihar Sierhiajenka atrymaŭ viadomaść nie pracaj u Mahilovie, a ŭ Hrodna. U 2008 mienavita pad jahonym kantrolem prachodziŭ praces pryznańnia ekstremisckimi knih «Listy ź lesa» Paŭła Sieviarynca, «Vypadkovy prezident» (Kalinkinaj i Šaramieta), a taksama haziety polskaj mienšaści «Hłas z-nad Niemna».Drukavanuju pradukcyju kanfiskoŭvali na miažy ŭ moładzi. Adnak da pryznańnia materyjałaŭ ekstremisckimi sprava tak i nie dajšła.
«Hrodna vyhladaje dobraja placoŭka dla kadraŭ u respublikanskim KDB, – kaža žurnalist Andrej Pačobut. – Pierad Sierhiejenkam z Hrodna na pavyšeńnie pajšli ŭ Minsk Mikałaj Svorab i Viktar Viahiera. Što datyčyć pracy Sierhiajenki, to ničoha novaha jon nie prynios. Usio było adpracavana jašče papiarednikami».
«U mužčynach caniu ŭmieńnie trymać słova, honar i abaviazki. A ŭ žančynach – rozum i duchoŭnyja jakaści», – kazaŭ jon u adnym ź intervju.
Darečy, Ihar Sierhiajenka, jak i jašče adzin novy namieśnik – Ihar Buśko – uvachodzić u «čorny śpis» Jeŭrasajuza, čynoŭnikaŭ, jakim zabaronieny ŭjezd na terytoryju Jeŭrasajuza.Što datyčyć Ihara Buśko, to jon sam ź Minsku. U KDB ad 1985 hoda. Uznačalvaŭ upraŭleńnie kontrvyviedki. Ad 2010 – staršynia Bresckaha abłasnoha KDB. Letaś atrymaŭ zvańnie hienierał-majora.
Raniejšy staršynia bresckaha KDB – Leanid Dziadkoŭ – taksama źjaŭlajecca namieśnikam u Valeryja Vakulčyka.
Buśko ŭ Breście zamianiŭ jahony namieśnik Viačasłaŭ Jazierski. A Sierhiajenku ŭ Mahilovie – Alaksandr Nieviaroŭski. Raniej jon pracavaŭ načalnikam apieratyŭnaha ŭpraŭleńnia AAC.
Ciapier čytajuć
Voś chto toj chłopiec, jaki pajechaŭ na prapołku bulby i staŭ hierojem sacsietak6
Kamientary