U Pieciarburzie 5 sakavika pamior biełaruski historyk Valancin Hryckievič, paviedamiła NN kiraŭnik MHA «ZBS «Baćkaŭščyna» Alena Makoŭskaja.
Valancin Hryckievič, jakomu ŭ kancy sakavika pavinna była spoŭnicca 80 hadoŭ, doŭhi čas chvareŭ, paŭtara miesiaca lažaŭ biez prytomnaści.
***
Valancin Piatrovič Hryckievič naradziŭsia 30 sakavika 1933 h. u Minsku, u siamji nastaŭnika i miedyka. Jahony brat — historyk Anatol Hryckievič (starejšy na 4 hady, 1929 h.n.).
V. Hryckievič skončyŭ Instytut zamiežnych movaŭ (1955), Miedycynski instytut (1956), histaryčny fakultet BDU (1957). Pracavaŭ uračom va Uźlanach Minskaj vobłaści, Minsku, Leninhradzie. Z 1971 h. — staršym navukovym supracoŭnikam Vajenna‑miedycynskaha muzieju Minabarony SSSR.
Adnačasova vykładaŭ historyju ŭ Pieciarburhskim (Leninhradskim) univiersitecie kultury (z 1980), z 1988 h. — dacent kafiedry muziejaznaŭstva hetaha ž instytuta.
Navukovyja daśledavańni V.Hryckieviča byli pryśviečany historyi biełaruskaj miedycyny(kandydackaja dysiertacyja była abaronienaja ŭ 1963 h.) — knihi «Z fakiełam Hipakrata», «Adysieja navahradskaj lekarki: Sałamieja Rusieckaja», a taksama bijahrafistycy, u pieršuju čarhu biełaruskaj intelihiencyi ŭ zamiežžy — «Padarožžy našych ziemlakoŭ», «Dziesiać šlachoŭ ź Vilni», «Našy słavutyja ziemlaki», «Ad Niomana da bierahoŭ Cichaha akijana», «Eduard Piakarski», u tym liku bijahrafistycy miedykaŭ — «Uspaminy i dziońniki ŭ fondach vajenna‑miedycynskaha muzieja: Anatavany katałoh», «Vajennyja miedyki — kavalery ordena Słavy troch stupieniaŭ»; apisańniam padarožžaŭ jak histaryčnaj krynicy — «Šlachi viali praź Biełaruś»…
Valancin Hryckievič byŭ adnym z arhanizataraŭ i nieadmiennym staršyniom Biełaruskaha hramadska‑kulturnaha tavarystva ŭ Pieciarburhu (z 1989),siabram HA «Sajuz biełaruskich piśmieńnikaŭ»i, Mižnarodnaha PEN‑centra, hanarovy siabra Mižnarodnaj asacyjacyi biełarusistaŭ, siabra Ruskaha hieahrafičnaha tavarystva, Pieciarburhskaha tavarystva historykaŭ miedycyny, zamiežny siabra Biełaruskaha tavarystva historykaŭ miedycyny, siabra Vialikaj Rady Zhurtavańnia biełarusaŭ śvietu «Baćkaŭščyna».
Ciapier čytajuć
Dźmitryj Siemčanka: Ja pryjšoŭ u puł Łukašenki bicca z Rasijaj11
Kamientary