Mižziemnamorskaja dyjeta, bahataja na aliŭkavy alej, arechi, fasolu, rybu, sadavinu j harodninu, źnižaje ryzyku infarktaŭ, insultaŭ i sardečnych chvarobaŭ na 30%.
Takija vyniki apublikavanyja ŭ paniadziełak na sajcie navukovaha časopisa The New England Journal of Medicine. Ich dało maštabnaje daśledavańnie, jakoje ciahnułasia amal piać hadoŭ.
Dahetul vysnovy ab tym, što mižziemnamorskaja dyjeta źmianšaje ryzyku sardečnych chvarobaŭ, hruntavalisia tolki na statystycy ź mižziemnamorskich krainaŭ. Ličby pakazvali, što ŭ hetych krainach uzrovień sardečnych chvarobaŭ nižejšy, čym ahułam u śviecie. Adnak suviaź była nievidavočnaja, bo na heta mahli ŭpłyvać inšyja faktary.
U ciapierašnim daśledavańni udzielničali 7.447 žycharoŭ Ispanii, jakija mieli lišniuju vahu, kuryli albo mieli dyjabiet ci inšyja faktary ryzyki dla sardečnych chvarobaŭ. Mietadam vypadkovaj vybarki navukoŭcy pryznačyli hetym ludziam albo mižziemnamorskuju dyjetu, albo dyjetu ź nizkim spažyvańniem tłušču.
Ludzi na mižziemnamorskaj dyjecie mielisia štodnia jeści prynamsi try porcyi sadaviny i dźvie porcyi harodniny, jak najmieniej pa try razy na tydzień jeści rybu i babovyja dy jeści bolš biełaha miasa zamiest čyrvonaha.Tym, chto i da taho rehularna ŭžyvaŭ ałkahol, rekamiendavali vypivać ź ježaj prynamsi siem šklanak vina na tydzień.
Nazirańni pakazali, što ludziam było lahčej prytrymlivacca mižziemnamorskaj dyjety, a ludzi z druhoj hrupy ŭ realnaści tolki niaznačna źmienšyli spažyvańnie tłušču. U vyniku atrymałasia, što mižziemnamorskuju dyjetu faktyčna paraŭnoŭvali sa zvyčajnaj sučasnaj dyjetaj, u jakoj rehularna ŭžyvajecca čyrvonaje miasa, hazavanyja napoi i kuplenaja vypiečka.
Daśledčyki kažuć, što sami jany nie čakali nastolki mocnaha efiektu ad mižziemnamorskaj dyjety. Kiraŭnik daśledavańnia, prafiesar miedycyny Ramon Estruch z Univiersiteta Barsiełony, kaža, što ŭ vyniku jon sam i jahonyja kalehi-daśledčyki pierajšli na hetuju dyjetu.
Ciapier čytajuć
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1616
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru16
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary