Milicyja Pieršamajskaha rajona Minska zapatrabavała ad byłoha palitviaźnia Mikity Lichavida dabyć 10 sutak administracyjnaha aryštu za ŭdzieł u mitynhu 19 śniežnia 2010 hoda.
20 śniežnia 2010 hoda Lichavida pakarali za ŭdzieł u Płoščy 15 sutkami aryštu, ale 25 śniežnia jaho pieraviali ŭ śledčy izalatar pa kryminalnaj spravie, u jakoj jon byŭ asudžany ŭžo na 3,5 hoda kałonii ŭzmocnienaha režymu. Daterminova jon byŭ vyzvaleny ŭ vieraśni 2011 hoda.
Navinu pra toje, što Mikita Lichavid musić samastojna pryjści ŭ turmu na Akreścina i adbyć 10 sutak, jamu paviedamiŭ učastkovy.
Pavodle jaho, pryjšła adpaviednaja papiera z RUUS Pieršamajskaha rajona, pryčym nie tolki na Lichavida, ale na mnohich administracyjna pakaranych, jakija nie adbyli svaje terminy całkam. Pry hetym patłumačana, što terminu daŭnaści pa takich prysudach niama.
Spadar Lichavid ličyć takoje rašeńnie niezakonnym, bo, pa-pieršaje, z momantu vyniasieńnia prysudu prajšło bolš za try miesiacy, a pa-druhoje — za tyja padziei jon adbyŭ pakarańnie ŭ kryminalnym paradku, a pavodle zakanadaŭstva dva razy za adno pravaparušeńnie karać nielha. Tym nie mieniej Mikita nie viedaje, jak možna abskardzić hetuju pastanovu — z momantu jaje vyniasieńnia prajšło bolš za dva hady.
Juryst Pavał Sapiełka miarkuje, što jurydyčna ŭłady mohuć abhruntavać nieabchodnaść dabyć pakarańnie za Płošču, ale samaje istotnaje ŭ hetaj historyi toje, što sama adkaznać za ŭdzieł u niesankcyjanavanych akcyjach u tym vyhladzie, u jakim jana isnuje ŭ Biełarusi, — niezakonnaja, jana nie adpaviadaje ni Kanstytucyi, ni mižnarodnym standartam.
Ciapier čytajuć
18‑hadovy kursant Vajskovaj akademii ź Lachavič nikomu ničoha nie skazaŭ, zabraŭ dakumienty i pajechaŭ vajavać za Rasiju. Ciapier pa im płačuć33
Kamientary