Da dvuch hadoŭ pazbaŭleńnia voli z kanfiskacyjaj majomaści sud Čyhunačnaha rajona Homiela pryhavaryŭ 27-hadovaha miascovaha žychara. Mužčyna abvinavačvaŭsia pavodle častki 3 artykuła 205 Kryminalnaha kodeksa (kradziež, učynieny ŭ bujnym pamiery).
Jak paviedamili ŭ prakuratury Čyhunačnaha rajona Homiela, abvinavačany nidzie nie pracavaŭ, pastajanna zajmaŭsia kradziažami i rabavańniem, za što raniej nieadnarazova byŭ sudzimy. U lipieni 2011 hoda vyzvaliŭsia z kałonii, ale ŭžo ŭ listapadzie jon učyniŭ pieršy kradziež ź internata Homielskaha dziaržaŭnaha miedycynskaha ŭniviersiteta. Złodziej pranikaŭ u pakoi pry dapamozie naboru admyčak. Ź miesca złačynstva vynosiŭ, jak praviła, nievialikija rečy, naprykład, kaštoŭnaści, jakija možna schavać u kišeniach ci zvyčajnym pakiecie. Za hod złačynca ŭčyniŭ niekalki kradziažoŭ u internatach, abakraŭšy navat pakoj, dzie žyli supracoŭniki milicyi.
Tolki paśla praviadzieńnia śledčych dziejańniaŭ, jakija vykryvajuć jaho va ŭčynieńni złačynstvaŭ, abvinavačany pačaŭ davać pryznaŭčyja pakazańni. Ahulnaja suma ŭronu, naniesienaha paciarpiełym, skłała bolš jak 40 miljonaŭ rubloŭ.
Kamientary