Šachraj Džeki Cukier (Henrych Chiubchen) z azartam hulaje ŭ biljard — i maje kuču prablem: jaho choča kinuć žonka, syn nackoŭvaje sudovaha prystava, pamiraje maci. Adnak spadčynu pa joj były hedeeraviec atrymaje pry ŭmovie, što pamirycca z bratam Samuelem, artadaksalnym habrejem. Samuel sa svajackim kłanam zajaŭlajecca ŭ kvateru Džeki, dzie j pačynajucca azartnyja siamiejnyja hulni.
Stužka Dani Levi, što atrymała ŭ Niamieččynie bieźlič uznaharod, pradstaŭlena ŭ seryi «Novaje niamieckaje kino». Daviedzieny da komy hieroj, zachłynajučysia, budzie raskazvać ab svaim biazładnym žyćci, «smutkavać» na chaŭturach i razyhryvać infarkty, kab trapić na biljardny čempijanat..
Aktor Henrych Chiubchen prasłaviŭsia ŭ hastranamična-hanhsterskaj roli «Kuchara-złodzieja»; jahony Džeki Cukier taksama maje svaju biljardnuju žarść. Kantrastam hladzicca Uda Sameł (u roli Samuela).
Śmiech D.Levi — heta śmiech intymny j čałaviečny. Śmiech chavajecca za pryznańniem u kachańni, za naiŭnym žestam padmanu i za maskaju niedarečnaści.
Hledačy, pryzvyčajenyja da prahramy «Anšlah», mohuć razhubicca. Ale astatnija vydatna adpačnuć.
∎
«Znajomstva z Cukierami» («Alles auf Zucker!»).
Niamieččyna, 2004, kalarovy, 90 chv.
Žanr: kamedyja.
Adznaka: 7,5 (z 10).
Ciapier čytajuć
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje

«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć

Kamientary