Аляксандр Лукашэнка на агульнавайсковым палігоне Абуз-Лясноўскі ў Брэсцкай вобласці азнаёміўся з айчыннымі навінкамі ваенна-прамысловага комплексу, паведамляе БелТА.
Лукашэнку прадэманстравалі беспілотныя авіяцыйныя комплексы, якія стаяць на ўзбраенні арміі, а таксама перспектыўныя распрацоўкі. Асноўную ўвагу ён надаў беларускім узорам.
«Ты ж не проста паказваеш ў адзіным экзэмпляры ўзор. Любы ўзор цяпер на фронт і ён ваюе? — удакладніў Аляксандр Лукашэнка ў старшыні Дзяржкамваенпрама Дзмітрыя Пантуса. — Хто купляе — таму і будзем прадаваць. Непажадана, вядома, каб нашы ўзоры ваявалі ва Украіне: усё-такі свае людзі».
Частка вырабаў стаіць на ўзбраенні, частка праходзіць выпрабаванні, а некаторыя перададзеныя арміі на паддоследную эксплуатацыю. Праграмнае забеспячэнне і сістэмы кіравання ў беларускіх беспілотнікаў таксама беларускай вытворчасці.
Паведамляецца, што сярод прадстаўленых мадэляў былі беспілотнікі-разведчыкі, ударныя комплексы і таксама разведвальна-ўдарны беспілотны верталёт, аналагаў якому ў свеце няма. Амерыканцы не дзеляцца гэтай распрацоўкай са сваімі партнёрамі.
«Гэта значыць, мы на зямлі бачым усё? Наколькі ён будзе непаражальным ў баі? Колькі можаце вырабляць у месяц? Якая эфектыўнасць? Узялі на ўзбраенне?» — спытаў Лукашэнка.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам13
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2020
Каментары