Працэсы па справах актывістаў маладзёжнага крыла кампаніі «Гавары праўду!» «Zмена», якія былі затрыманыя 18 верасня, пройдуць сёння ў судзе Фрунзенскага раёна Мінска.Пра гэта паведаміла Святлана Вінаградава, жонка аднаго з затрыманых — кіраўніка «Zмены» Паўла Вінаградава.
Паводле яе слоў, учора вечарам затрыманыя Аляксандр Арцыбашаў, Павел Вінаградаў, Ягор Віняцкі і Ганна Курловіч знаходзіліся ва УУС Фрунзенскага раёна. «Ва УУС мне сказалі, што іх павінны адвезці ў Цэнтр ізаляцыі правапарушальнікаў (ЦІП) ГУУС Мінгарвыканкама на вуліцы Акрэсціна і сёння, 19 верасня, над імі павінен прайсці суд.
Прыкладна ў гадзіну ночы я тэлефанавала дзяжурнаму ЦІП, але ён паведаміў мне, што нікога з іх туды не прывозілі. Не выключана, што ноч яны правялі ва УУС», — паведаміла Святлана.
У колькі пачнецца суд і што інкрымінуюць затрыманым, ёй невядома.
Нагадаем, актывісты «Zмены» планавалі 18 верасня правесці акцыю па раздачы баршчу прахожым каля ўніверсама «Фрунзенскі» ў Мінску. Удзельнікі пікета паспелі дастаць каструлю, распаліць газніцу і раскласці ўлёткі, пасля чаго акцыя была разагнаная невядомымі ў цывільным. Яны затрымалі ўсіх удзельнікаў пікета: Паўла Вінаградава, Ягора Віняцкага, Аляксандра Арцыбашава і Ганну Курловіч.
Разам з імі былі затрыманыя і сем журналістаў, якія асвятлялі акцыю.Усіх даставілі ва УУС Фрунзенскага раёна Мінска. З апаратуры журналістаў выдалілі фота- і відэаздымкі, зробленыя падчас акцыі, і праз некалькі гадзін журналістаў адпусцілі.
Прычынай для пікета стала вядомая заява Лідзіі Ярмошынай, зробленая ёю 20 снежня 2010 года. Тады на
Каментары