Вольга Класкоўская атрымала ліст ад брата, асуджанага на пяць гадоў калоніі ўзмоцненага рэжыму па справе «19 снежня» АляксандраКласкоўскага-малодшага .
Гэта першы ліст, напісаны ўжо пасля вынясення прысуду — 26 мая. Прыводзім некаторыя вытрымкі.
***
«Добры дзень, мае дарагія! Вы і самі ўсё бачылі. Аб прысудзе нічога пісаць не буду — ўсім і так усё ясна, у тым ліку і пракурору з суддзёй… Цяпер трэба падаваць касацыйную скаргу ў Мінскі гарадскі суд. Вядома, гэта нічога не зменіць, але трэба прайсці ўсе інстанцыі…
Забярыце ў следчага мой ноўтбук, канфіскаваны пры арышце — там усе дзіцячыя фатаграфіі і відэа з 2007 года. Можа, яшчэ што аддадуць…
Думаю прасіцца ў пэўную калонію, пакуль не вырашыў, але, мабыць, у Віцьбу. Адзінае, што цяпер хочацца, — гэта хутчэй патрапіць ў калонію, прайсці ўсе гэтыя «радасці» этапу з найменшымі фізічнымі і маральнымі стратамі…
Хочацца верыць, што ўсё гэта не дарма…
Як можаце, дапамажыце Наташцы з дзеткамі…
Можа спакойнае сямейнае жыццё са смаркатымі дзеткамі і каўбасой у халадзільніку не для мяне!"
26 мая суд Ленінскага раёна Мінска прысудзіў былога супрацоўніка міліцыі Аляксандра Класкоўскага па справе 19 снежня да пяці гадоў пазбаўлення волі. На гэтым тыдні вязня пераводзяць з СІЗА КДБ у СІЗА на Валадарскага.
Цяпер чытаюць
«Цяпер мне чужая сама канцэпцыя ўжыць нешта, чаго ты не ведаеш». Вялікая гутарка з Іванам Шылам пра бізнэс, зараблянне з дапамогай ШІ, жанчын і ботакс5
Каментары