Трэці раз за год. Галоўны рэдактар газеты Уладзімір Базан: «Усё тлумачыцца проста: неўзабаве выбары, і ўлады хочуць пазбавіцца ад газеты».
6 сьнежня, у аўторак, у першай палове дня рэдакцыя незалежнай грамадска-палітычнай газеты «Витебский курьер» атрымала пісьмовае распараджэнне ад свайго арэндадаўцы – ААТ «Элсан» – вызваліць займаемае памяшканне напрацягу двух сутак: да 12 гадзін 8 снежня.
У лісце паведамляецца, што дагавор арэнды памяшкання прызнаны несапраўдным, а ў дужках удаклядняецца – «ничтожным». Да такога рашэння прыйшоў наглядальны савет прадпрыемства «Элсан». Ліст падпісаны яго дырэктарам Дзмітрачэнка (па-руску ягоныя ініцыялы – В.Г.). У лісце таксама ўказана, што пры заключэнні дагавора арэнды былі дапушчаныя парушэнні заканадаўства, а менавіта: размяшчэнне рэдакцыі ў гэтым будынку не было ўзгоднена з адміністрацыяй Першамайскага раёна Віцебска, на тэрыторыі якога і знаходзіцца зараз «Витебский курьер».
Галоўны рэдактар газеты Уладзімір Базан лічыць гэты загад «паліцэйскім» і супрацьзаконным: «Рэдакцыя не парушыла ніводнага пункту дагавора арэнды, тым больш, за такі непрацяглы час, што мы знаходзімся ў новым будынку пасля пераезду 20 кастрычніка. Мінула толькі паўтара месяца. І вось зараз зноў нам загадана, прычым, як у арміі, перадыслацыравацца ў 48 гадзін на новае месца. Але ўсё тлумачыцца проста: неўзабаве выбары, і ўлады хочуць пазбавіцца ад газеты».
Раней, калі газету выганялі з былых памяшканняў (за год яна перажыла два пераезды), то ніколі не патрабавалі вызваліць памяшканне за такі кароткі тэрмін. На пераезд былыя гаспадары давалі досыць шмат часу. Здаецца, гэта ўвогуле прэцэдэнт у Беларусі: улады дасюль не абыходзіліся так жорстка ні з адным недзяржаўным выданнем.
Галоўны рэдактар не выключае, што а 12 гадзіне 8 снежня ў офісе газеты можа з’явіцца хто заўгодна з карных органаў.
❏
Глядзі яшчэ:
«Віцебскі кур'ер» зноў мусіў пераехаць
«Витебский курьер» на мяжы выжываньня
У Віцебску аб’явіўся свой Атрошчанка
«Витебский курьер М» выклікалі ў суд
Аўтары пагроз у адрас недзяржаўных газет недасягальныя для міліцыі?
Газета «Витебский курьер М» атрымала ўзнагароду ад праваслаўнай царквы
62‑гадовая бізнэсвумэн і мільянерка Ірына Цярэшчанка падзялілася гісторыяй свайго кахання з мужчынам, на 20 гадоў малодшым за яе6
Каментары