На прэзентацыі кнігі Лянкевіча спявалі і жанілі комін
На вечарыну з прыехаў фальклорна-этнаграфічны гурт пад кіраўніцтвам Кацярыны Панчэня з вёскі Пагост Жыткавіцкага раёна.
На вечарыну з прыехаў фальклорна-этнаграфічны гурт пад кіраўніцтвам Кацярыны Панчэня з вёскі Пагост Жыткавіцкага раёна.
12 лістапада ў Мінску ў Інстытуце імя Гётэ адбылася прэзентацыя фотаальбома «Паганства» аўтараства Андрэя Лянкевіча. Вечарына прайшла пры поўным аншлагу, многія госці стаялі. Пераважная большасць прысутных складалася з моладзі, што і адзначыў Андрэй Лянкевіч перад пачаткам прэзентацыі.
Спачатку з дапамогай відэашэрагу і слайд-шоў адбылася знаёмства са зместам кнігі. У пэўны момант у залу ўвайшлі жанчыны з фальклорна-этнаграфічны гурта з вёскі Пагост Жыткавіцкага раёна, якім кіруе Кацярына Панчэня. Яны праспявалі колькі абрадавых песень, пасля чаго аўтар кнігі даў слова даследчыцы народнай творчасці і адной з стваральніц падляска-палескага фестывалю «Там по маёвуй росі» Ірыне Мазюк, якая падрыхтавала тлумачэнні да фотаздымкаў. Ірына Мазюк адзначыла, што фотаальбом «Паганства» стаў найперш мастацкім творам, а не проста дакументальнай фіксацыяй традыцый.
Напрыканцы прэзентацыі жанчыны з Пагосту прадэманстравалі «Жаніцьбу коміна» — абрад з тысячагадовай гісторыяй, першы з унесеных у спіс нематэрыяльных каштоўнасцяў Беларусі. Дзеля гэтага яны адмыслова прывезлі з Палесся «комін».
***
Кніга «Паганства» была надрукаваная ў літоўскім выдавецтве «Аrx baltica» пры падтрымцы польскага выдавецтва Fundacja Villa Sokrates і Нямецкага Фонду Маршала. Замовіць яе можна ў інтэрнэт-краме Knihi.by.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос20
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары