Нерухомасць66

Беларуска абурылася коштам арэнды кватэры ў Баранавічах і паскардзілася ў Палату прадстаўнікоў

За звычайную кватэру ў беларускі папрасілі амаль столькі ж, колькі яна плаціла за жыллё в Мінску, піша BGmedia. 

Баранавічы. Фота: Белта

«За дзіця і котку — плюс 100 долараў»

Чарговая дыскусія аб кошце арэнды жылля разгарэлася ў сацсетках пасля эмацыйнага паста беларускі, якая шукала кватэру ў Баранавічах. Жанчына распавяла, што знайшла варыянт за 900 рублёў у месяц, аднак пасля таго, як уласнік даведаўся пра наяўнасць дзіцяці і коткі, кошт арэнды вырас яшчэ прыкладна на 100 долараў.

Посмотреть в Threads

Паводле слоў аўтаркі, больш за ўсё яе здзівіла не сама цана, а тое, што гаворка ідзе пра Баранавічы, а не пра сталіцу.

«Знайшла кватэру за 900 рублёў. З-за дзіцяці і коткі цана павысілася яшчэ на 100 долараў. Ну, Баранавічы, не забывайце, што вы Баранавічы. Я ў Мінску за 1 200 рублёў здымала двухпакаёвую кватэру з дзвюма коткамі і дзіцем».

Жанчына раскрытыкавала сітуацыю на рынку арэнды, адзначыўшы, што даступнага жылля становіцца ўсё менш, а сем’і з дзецьмі і хатнімі жывёламі часта сутыкаюцца з дадатковымі абмежаваннямі.

Публікацыя хутка сабрала дзясяткі каментарыяў. Многія карыстальнікі прызналіся, што таксама лічаць кошт арэнды ў Баранавічах неапраўдана высокім.

«420 долараў у Баранавічах? Ахах. Там лагуна фармальдэгідаў у паветра напусціла ці ад чаго такі прыход?»

«Жыву ў суседніх Ляхавічах і таксама прыфігела з цэн. Пасрэдны горад, а цэннік на жыллё — проста піпец».

«Я ў Мінску двушку каля метро здаю танней».

Іншыя ўдзельнікі абмеркавання адзначылі, што знайсці жыллё можна і па больш нізкай цане.

Не абышлося і без спрэчкі пра тое, ці варта ўласнікам павышаць кошт арэнды з-за дзяцей або хатніх жывёл.

«У нас жыльцы з дзіцем і сабакам жывуць. І думкі не было прасіць за іх даплату».

«Калі збіралася здаваць кватэру, казала — без дзяцей. Каты, сабакі, хто заўгодна, але не дзеці. На жаль, дзеці часта псуюць рамонт».

Частка каментатараў таксама задавалася пытаннем, чаму рынак арэнды практычна не рэгулюецца.

«Не разумею, дзе дзяржава. Самазанятых і ІП правяраюць, а тут уласнікі ўстанаўліваюць цану як хочуць».

Пазней жанчына паведаміла, што вырашыла не абмяжоўвацца абмеркаваннем у інтэрнэце і накіравала афіцыйны зварот у Палату прадстаўнікоў.

Паводле яе слоў, праблема палягае не столькі ў самім кошце арэнды, колькі ў неадпаведнасці цэн узроўню горада. Аўтар выказала спадзяванне, што яе ініцыятыву падтрымаюць і іншыя арэндатары, якія сутыкаюцца са спекулятыўным, на іх думку, цэнаўтварэннем.

Што адбываецца з цэнамі на арэнду ў Баранавічах

Мяркуючы па актуальных абвестак на Kufar, кошт доўгатэрміновай арэнды кватэр у Баранавічах моцна адрозніваецца. На момант публікацыі матэрыяла на сайце было апублікавана 65 абвестак.

Сярод прапаноў можна сустрэць варыянты прыкладна за 600, 750, 850 і 900 рублёў у месяц. Самая дарагая — 1 200 рублей. Усё залежыць ад колькасці пакояў, рамонту, размяшчэння кватэры.

Сярэдняе — каля 700 рублёў у месяц.

Каментары6

  • Dgh
    12.07.2026
    Сьвіслацкі жабец, нет никакого свободного рынка, забудьте. Это сушь придуманная капиталистами чтобы им было удобнее управлять ресурсами.
  • Праўда
    12.07.2026
    Сьвіслацкі жабец, свабодны рынак у русском міре - нонсэнс. Капіталізм - прадукт свабоды і законнасці, у першую чаргу.
  • Дрынгоцкі
    12.07.2026
    Ну паненка… Баранавічы далёка на захад ад Менска… гэта ж амаль Варшава…

Цяпер чытаюць

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны18

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Усе навіны →
Усе навіны

Эстонія закрывае мяжу з Расіяй з 1 снежня. Прычынай стала спроба ГРУ падпаліць абаронны завод 19

Пяць краін ЕС адкрываюць у Руандзе лагер для дэпартаваных мігрантаў. Раней Брытанія страціла на падобнай схеме амаль мільярд даляраў6

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал27

У Мінску адкрылі новую дыспетчарскую станцыю замест знесенай савецкай. Але будынка там няма — толькі бытоўка і біятуалет1

У Беларусі за апошнія гады ліквідавалі 40 праваслаўных прыходаў5

Украінскія дроны не могуць дагнаць рэактыўныя «Шахеды». У SpaceX кажуць пра тэхнічны збой3

«А як ты выкупіў адразу акцэнт?» Рэпер Баста па голасе пазнаў музыканта з Чавусаў і расказаў пра сваё дзяцінства ў закрытым гарадку пад Дзятлавам8

Амаль 400‑метровы пуцеправод паміж Каменнай Горкай і Лебядзіным абяцаюць адкрыць да канца года2

На Канары за суткі прыбылі амаль паўтары тысячы мігрантаў5

больш чытаных навін
больш лайканых навін

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны18

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Галоўнае
Усе навіны →

Заўвага:

 

 

 

 

Закрыць Паведаміць