Каб сачыць за пастаўкамі зброі Украіне, Расія ўзломвае цывільныя камеры ў Еўропе
Разведвальныя службы Нідэрландаў AIVD і MIVD заявілі, што расійскія хакеры праводзяць маштабную кампанію па ўзломе цывільных IP-камер у краінах НАТА і ва Украіне. Мэта такіх атак — сачыць за маршрутамі перавозкі вайсковай тэхнікі і паставак узбраення для Украіны, паведамляе The Moscow Times.
Паводле даных спецслужбаў, узлому падвяргаліся камеры, устаноўленыя ўздоўж лагістычных маршрутаў, у тым ліку ў саміх Нідэрландах, якія з'яўляюцца адным з галоўных транзітных цэнтраў паставак вайсковай дапамогі Кіеву. Арганізацыі, чые сістэмы былі пад пагрозай, ужо атрымалі папярэджанні і прынялі меры для ўзмацнення бяспекі.
У разведцы адзначылі, што зламыснікі выкарыстоўваюць слабыя месцы падключаных да інтэрнэту камер відэаназірання. Многія прылады ўсё яшчэ працуюць са стандартнымі паролямі, не абноўленым праграмным забеспячэннем і базавымі наладамі бяспекі. Акрамя таго, існуюць спецыяльныя інтэрнэт-сэрвісы, якія дазваляюць лёгка знаходзіць такія камеры і правяраць іх на ўразлівасці.
Пасля атрымання доступу да камер можна назіраць за перамяшчэннем тэхнікі і грузаў у рэжыме рэальнага часу, што дазваляе вызначаць, якая зброя і ў якіх аб'ёмах паступае ва Украіну.
Выданне The Telegraph адзначае, што выкарыстанне цывільных камер для разведкі стала адным з распаўсюджаных інструментаў сучасных войнаў. Такі спосаб значна таннейшы за выкарыстанне спадарожнікаў або беспілотнікаў і дазваляе атрымліваць інфармацыю з узроўню зямлі.
Паводле нідэрландскіх спецслужбаў, падобныя метады раней выкарыстоўвалі і іншыя бакі канфліктаў, аднак цяперашняя дзейнасць расійскіх дзяржаўных структур адрозніваецца маштабам і сістэмным характарам.
Сакрэтны план НАТА супраць Пуціна: як Захад рыхтуецца да абароны ад Расіі
Ва УСУ заявілі пра знішчэнне 19 танкераў у Азоўскім моры. Яны маглі вазіць бензін у Крым
У Францыі затрымалі беларуса за шпіянаж і спробу падпалу завода, які вырабляе баявыя дроны
Што скончыцца раней: вайна ці Пуцін? Прагнозы заходніх аналітыкаў
Каментары