Сталі вядомыя падрабязнасці пра затрыманых у Польшчы агентаў беларускіх спецслужб, якія здымалі апазіцыйныя акцыі
Нацыянальная пракуратура Польшчы і прэс-сакратар міністра-каардынатара спецслужбаў Яцак Дабжынскі падзяліліся падрабязнасцямі пра затрыманых Агенцтвам унутранай бяспекі беларуса і паляка, якія здымалі на відэа акцыі беларусаў у Варшаве, піша REFORM.news.
Як паведамілі ў пракуратуры, затрыманага грамадзяніна Беларусі завуць Аляксей Б., а грамадзяніна Польшчы — Рафал Г.
Беларусу 19 гадоў, у Польшчы ён знаходзіцца легальна, працаваў у Варшаве афіцыянтам.
Затрыманым высунута абвінавачанні ў дзеяннях у інтарэсах замежнай разведкі ў 2024—2025 гадах у Варшаве і іншых месцах краіны.
«Як мінімум з мінулай восені яны ездзілі тут, у Варшаве, на розныя мерапрыемствы беларускай меншасці, уключаючы пратэсты, фестывалі. Там, падкрэсліваю, па ўказанні беларускіх спецслужбаў яны фатаграфавалі ўдзельнікаў, здымалі відэа і перасылалі іх праз усходнюю мяжу, каб беларускія спецслужбы, службы Лукашэнкі, выкарыстоўвалі ў сваіх карыслівых мэтах, і, вядома ж, у прапагандысцкіх мэтах. Варта адзначыць, што ў суда не было сумневаў. Таму па рашэнні суда, 19‑гадовы беларус, які законна пражываў у краіне, працаваў тут, у Варшаве, афіцыянтам, правядзе наступныя тры месяцы пад вартай», — сказаў Яцак Дабжынскі ў эфіры TVPinfo.
Польскі грамадзянін, як паведамлялася, застаецца на волі, пад паліцэйскім наглядам, яму забаронены выезд з краіны, у яго забралі пашпарт.
Паводле інфармацыі Нацыянальнай пракуратуры Польшчы, у межах расследавання ўжо былі затрыманы пяць чалавек, у тым у ліку трое грамадзян Беларусі і двое — Украіны.
Трое падазраваных знаходзяцца пад вартай з лістапада 2025 года, адзін змешчаны ў цэнтр утрымання непаўналетніх, адзін з падазраваных памёр.
Дзейнасць падазраваных каардынавалася праз Telegram. Аплату яны атрымлівалі ў крыптавалюце.
Акрамя здымкі мерапрыемстваў беларусаў, таксама вялася здымка аб’ектаў «крытычнай інфраструктуры і іншых месцаў, якія маюць вырашальнае значэнне для бяспекі дзяржавы і яе грамадзян».
«Атрыманыя такім чынам матэрыялы пасля выкарыстоўваліся беларускім рэжымам у прапагандысцкіх мэтах», — гаворыцца ў паведамленні пракуратуры.
Цяпер чытаюць
Блогер Сярога з Расіі прыехаў на Зыбіцкую з каханай блогеркай Анечкай. Вынік: збіты ім беларус у коме, а Сярога на 5,5 года за кратамі24
Каментары
а потым дэпартацыя.
Калі б гэта было б у якой Брытаніі, увогуле б не затрымалі. Бо здымкі людзей у грамадзкім месцы ня могуць быць кваліфікаваны як злачынства.