У вуглавой вежы знаходзіўся кабінет Льва Сапегі, а ў паўднёвай — капліца.
Археолагі на тэрыторыі Ружанскага палацавага комплексу раскапалі дзве вежы першапачатковага замка Сапегаў канца XVI — пачатку XVII стагоддзя, паведамілі БелТА ў аддзеле культуры Пружанскага райвыканкама.
Археолагі раскапалі вуглавую (паўночна-ўсходнюю) і паўднёвую (цэнтральную) вежы.
«Вуглавая вежа была раскапаная яшчэ раней. Археалагічныя работы там вяліся, калі не памыляюся, у 1990‑х гадах. Сёлета было прынята рашэнне зноў раскапаць яе для дэталёвага вывучэння канструкцыі, — расказала начальніца аддзела культуры райвыканкама Алена Кубарка. — Паўднёвую вежу знайшлі выпадкова. Па чарцяжах мы ведалі пра яе існаванне. Летась рэстаўратары расчышчалі падмурак і натрапілі на мур. Паводле чарцяжоў Бекера (нямецкі архітэктар Ян Самуэль Бекер у сярэдзіне XVIII стагоддзя перабудаваў замак Сапегаў у палацавы комплекс) мы пачалі шукаць яе абрысы, каб пацвердзіць, што гэта сапраўды вежа. Знайшлі вуглы і перадалі інфармацыю археолагам».
Гэтым летам археолагі працягнулі даследаванні і поўнасцю раскапалі падмурак паўднёвай вежы. Гэта пацвердзіла звесткі, што замак Льва Сапегі меў тры вежы.
«Трэцяя — заходняя. Яе Бекер не разбураў. А дзве іншыя былі знесены падчас перабудовы замка ў палацавы комплекс. Заходняя вежа ўвайшла ў агульны ансамбль галоўнага корпуса. Рэстаўратары таксама расчысцілі яе, знайшлі ўваход у падзямеллі і вінтавыя сходы. Мы атрымалі адказы на многія загадкі, якія пакінуў замак. Упэўненыя, што наперадзе нас чакае яшчэ шмат адкрыццяў», — адзначыла Алена Кубарка.
Прызначэнне вежаў прыкладна вядомае паводле інвентарных апісанняў.
Так, у вуглавой вежы знаходзіўся кабінет Льва Сапегі, а ў паўднёвай — капліца. Як і ўвесь замак, вежы выконвалі абарончыя функцыі.
Верагодна, галоўны корпус будзе музеефікаваны. Для гэтага спецыялістам неабходна вызначыць, як прыстасаваць яго да турыстычных патрэб і арганізаваць паўнавартасныя экскурсіі.
«Рашэнне плануецца прыняць да канца года — пасля завяршэння раскопак і ўсіх даследаванняў. Тады будзе зразумела, з чым нам давядзецца працаваць, што можна зрабіць, і можна будзе распрацоўваць канцэпцыю. З'явіцца магчымасць прагуляцца па тэрыторыі галоўнага корпуса і ўявіць, як усё выглядала насамрэч», — падсумавала Алена Кубарка.
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ11
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1010
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»10
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары