Шматдзетную маці з-пад Мінска, якая ладзіла дзіцячыя святы, асудзілі за палітыку
На 33‑гадовую Эльвіру Ільіну, маці трох дачок і ўладальніцу івэнт-агенцтва, завялі крымінальную справу. Жанчыну судзілі за «садзейнічанне экстрэмісцкай дзейнасці».
Эльвіра Ільіна нарадзілася ў 1992 годзе, жыве ў аграгарадку Самахвалавічы Мінскага раёна.
З мужам яны выхоўваюць трох дачок, якіх у сваіх сацсетках з гумарам яна называе то «прынцэсамі», то «цмокамі», адзначаючы, што з імі кожны дзень ператвараецца ў вясёлую вар'ятню.
Як мінімум з 2018 года жанчына працавала як індывідуальны прадпрымальнік і вяла ўласны бізнэс. Эльвіра кіравала Event Agency Imbir: займалася арганізацыяй і дэкорам святаў любой складанасці, стварэннем фотазон і кэндзі-бараў, а таксама вітрыністыкай. Паводле адкрытых даных, яе асноўным відам дзейнасці быў інтэрнэт-гандаль, таксама яна здавала ў арэнду памяшканні пад мерапрыемствы.
Звычайнае жыццё шматдзетнай маці перарваў палітычны пераслед. Ці была яна ў СІЗА — невядома. Але ў гэтым годзе Мінскі абласны суд вынес Эльвіры прысуд паводле частак 1 і 2 артыкула 361‑4 Крымінальнага кодэкса Беларусі (садзейнічанне экстрэмісцкай дзейнасці). Ёй прысудзілі хатнюю хімію.
«Наша Нiва» — бастыён беларушчыны
ПАДТРЫМАЦЬЦяпер чытаюць
Намеснікам кіраўніка Адміністрацыі прэзідэнта стаў цвердалобы Муравейка, а Генштаб узначаліў генерал, які не вучыўся ў Расіі20
Намеснікам кіраўніка Адміністрацыі прэзідэнта стаў цвердалобы Муравейка, а Генштаб узначаліў генерал, які не вучыўся ў Расіі
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1616
Каментары