Ля ўзбярэжжа Венесуэлы раніцай 29 чэрвеня адбыўся новы землятрус магнітудай 4,6. Падземныя штуршкі адчуваліся ў Каракасе і Ла-Гуайры.
Гэта адбылося праз пяць дзён пасля двух моцных землятрусаў магнітудай 7,2 і 7,5, якія выклікалі маштабныя разбурэнні на поўначы краіны і, паводле афіцыйных звестак, забралі жыцці не менш як 1450 чалавек.
Эпіцэнтр новага землятрусу знаходзіўся прыкладна за 10 кіламетраў на ўсход ад Ла-Гуайры, а ачаг залягаў на глыбіні 2,9 кіламетра. Пасля асноўных штуршкоў сейсмолагі зарэгістравалі больш за 400 афтэршокаў.
У шэрагу раёнаў краіны, асабліва ў Каракасе, па-ранейшаму часткова адключаная падача прыроднага газу. Тым часам венесуэльскія і міжнародныя ратавальныя службы працягваюць пошукава-выратавальныя работы ў найбольш пацярпелых раёнах.
Выканаўца абавязкаў прэзідэнта Венесуэлы Дэлсі Радрыгес абвясціла аб пачатку праграмы дапамогі людзям, якія страцілі сваё жыллё ў выніку стыхійнага бедства.
Цяпер чытаюць
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ2
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну55
Каментары