Беларус — сярод кандыдатаў на пасаду кіраўніка Міжнароднай федэрацыі хакею
Сяргей Ганчароў, які нядаўна быў вылучаны ў Раду Міжнароднай федэрацыі хакея (IIHF), увайшоў у афіцыйны спіс кандыдатаў на пасаду прэзідэнта Міжнароднай федэрацыі хакея, паведаміла прэс-служба IIHF.
Усяго за перамогу на выбарах будуць змагацца дзевяць кандыдатаў, піша «Беларускі хакей»
- Сяргей Ганчароў (Беларусь) — былы намеснік старшыні Федэрацыі хакея Беларусі, ужо вылучаўся на гэтую пасаду ў 2021 годзе.
- Петр Бржыза (Чэхія) — старшы віцэ-прэзідэнт IIHF і вядомы ў мінулым брамнік, лічыцца адным з галоўных фаварытаў выбарчай гонкі.
- Франц Райндль (Германія) — член Рады IIHF.
- Айваз Амарканаў (Кыргызстан) — віцэ-прэзідэнт IIHF па рэгіёне Азіі і Акіяніі.
- Хенрык Бах-Нільсэн (Данія) — член Рады IIHF.
- Франк Гансалес (Іспанія) — член Рады IIHF.
- Закарыя Хечуашвілі (Грузія).
- Мацьяж Раковец (Славенія).
- Яан Мёльдэр (Эстонія).
Выбары прэзідэнта IIHF адбудуцца ў кастрычніку 2026 года. Цяперашні кіраўнік IIHF Люк Тардзіф раней абвясціў, што пакіне сваю пасаду і не будзе балатавацца на новы тэрмін.
Дадамо, што ад лютага 2022 года, з пачатку поўнамаштабнага ўварвання ва Украіну расійскія і беларускія хакеісты адхіленыя ад міжнародных спаборніцтваў, напрыклад, прапусцілі пяць чэмпіянатаў свету і ўдзел у адборы на хакейны турнір на Алімпіядзе.
Аднак у канцы мая, да міжнародных спаборніцтваў у 2027 годзе дапусцілі юнацкую і жаночую зборныя Беларусі. Пытанне аб допуску дарослых (то-бок нацыянальных) зборных Беларусі і Расіі будзе разгледжана ў верасні.
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары