Па слядах прэміі Анемпадыстава, якой штогод адзначаецца найлепшы кніжны дызайн, выйшла кніга «Форма прысутнасці. Дваццаць размоў пра кніжную вокладку».
Навінка выйшла ў выдавецтве «Połackija Łabirynty» і прысвечана візуальнай мове беларускай кнігі, яе эстэтыцы і людзям, якія яе ствараюць, піша bellit.info.
У кнізе — вокладкі, гісторыі, кантэксты і ўвесь той працэс, які робіць беларускую кнігу пазнавальнай і жывой. Выданне можна будзе атрымаць у падарунак за данат на імпрэзах Беларускага ПЭНа, які ёсць арганізатарам і ініцыятарам Прэміі Анемпадыстава. Таксама з усімі пытаннямі можна звяртацца на пошту: [email protected].
Прэмія імя Міхала Анемпадыстава ўручаецца за найлепшы дызайн кніжнай вокладкі. Заснавана ў 2019 годзе ў памяць пра чалавека многіх талентаў — мастака, паэта, фатографа, дызайнера, публіцыста, культуролага Міхала Анемпадыстава. Арганізатары прэміі — Беларускі ПЭН і фонд Open Culture.
Каментары