У горадзе Бяроза супрацоўнікі МНС выратавалі мужчыну падчас пажару ў пяціпавярховым доме на вуліцы Кірава.
Калі падраздзяленні МНС прыбылі на месца здарэння, яны пабачылі, што дым ідзе з падвальнага памяшкання дома. Ратавальнікі адразу пачалі разведку, каб вызначыць крыніцу пажару і праверыць, ці знаходзяцца ў небяспечнай зоне людзі.
Падчас агляду аднаго з сутарэнняў супрацоўнікі МНС знайшлі мужчыну, які не мог самастойна пакінуць задымленае месца. Яго вывелі на свежае паветра і перадалі медыцынскім работнікам.
Брыгада хуткай дапамогі даставіла пенсіянера ў бальніцу для агляду і аказання неабходнай дапамогі. Пасля медыцынскага абследавання высветлілася, што яго стан не патрабуе далейшага знаходжання ў стацыянары, таму мужчыну адпусцілі дадому.
Пажар быў цалкам патушаны супрацоўнікамі МНС. Цяпер спецыялісты высвятляюць дакладную прычыну ўзнікнення пажару і ўсе абставіны здарэння.
Каментары