Апеляцыйны суд у Італіі адмовіў у экстрадыцыі беларускі, якую затрымлівалі па ордары Інтэрпала
На пачатку лютага Карыну Зданевіч-Спыхальскую затрымалі ў аэрапорце па ордары на арышт, выдадзеным у 2021 годзе намеснікам пракурора Брэста.
Апеляцыйны суд Брэшыі адхіліў запыт Беларусі аб экстрадыцыі грамадзянкі Беларусі і Польшчы Карыны Зданевіч-Спыхальскай. Яна была затрыманая ў лютым па ордэры Інтэрпала, піша Reform.news.
«Я дзякую суддзям за разуменне сітуацыі і за тое, што яны дазволілі мне вярнуцца ў Польшчу, краіну, дзе прайшло ўсё маё жыццё і дзе жывуць мае двое дзяцей. З дапамогай гэтых ордараў на арышт, выдадзеных Інтэрпалам, Беларусь пераследуе тых, хто выступае супраць рэжыму, і наступным крокам павінна стаць іх адмена, каб прадухіліць паўтарэнне такой сітуацыі ў будучыні», — сказала яна выданню Il Giorno.
На пачатку лютага Карыну затрымалі ў аэрапорце Ор’ё-аль-Сэрыа па ордары на арышт, выдадзеным у 2021 годзе намеснікам пракурора Брэста. Ёй інкрымінуецца «наўмысная эканамічная несумленнасць», г. зн. банкруцтва, нібыта здзейсненае ў 2017—2018 гадах. Жанчына звязвае гэты ордар са сваёй палітычнай актыўнасцю ў 2020 годзе.
Карына правяла 5 дзён у турме ў Бергама, затым жыла ў знаёмых у Мілане пад абавязацельства з’яўляцца на выклікі. У сярэдзіне мая меру стрымання для яе анулявалі, і яна вярнулася да сям’і ў Польшчу. Але ў яе заставаліся абавязкі прыходзіць на судовыя слуханні.
11 чэрвеня разгляд яе справы ў італьянскім судзе скончыўся адмовай у экстрадыцыі.
На пасяджэнні разам з Карынай Зданевіч-Спыхальскай прысутнічала віцэ-консул Польшчы ў Мілане Эва Адамчык.
Акрамя таго, юрысты беларускіх дэмсіл прадставілі суду заключэнне, у якім гаварылася, што ў выпадку экстрадыцыі жанчына сутыкнецца з «катаваннем, бесчалавечным або прыніжаючым годнасць абыходжаннем і пераследам за свае палітычныя погляды».
Віктар Лукашэнка засвяціў на пасяджэнні НАК свой гадзіннік — цяжкі люкс30
Віктар Лукашэнка засвяціў на пасяджэнні НАК свой гадзіннік — цяжкі люкс
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2020
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі20
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары
Нават калі сапраўды яна памахала аднойчы сцягам за мяжой у 2020 дзеля фотачкі, то якая небяспека для ўлады ў Беларусі ад таго?
Як паслухаць гэтых прайдзісветаў, дык кожны другі быў актывістам.
Агідна