Міністэрства культуры паведаміла пра смерць вядомага беларускага кінарэжысёра, заслужанага дзеяча мастацтваў Беларусі і лаўрэата Дзяржаўнай прэміі СССР Вячаслава Нікіфарава. Яму было 83 гады.
Вячаслаў Нікіфараў нарадзіўся 13 жніўня 1942 года ў сяле Вясёлае Адлерскага раёна Краснадарскага края.
У 1957—1959 гадах вучыўся ў вячэрняй тэатральна-драматычнай студыі пры Рэспубліканскім рускім тэатры ва Улан-Удэ. У 1969 годзе скончыў рэжысёрскі факультэт Усесаюзнага дзяржаўнага інстытута кінематаграфіі (ВГИК).
У 1959—1963 гады быў акцёрам тэатраў у Абакане і Разані, пасля пераехаў у Мінск. Працаваў рэжысёрам-пастаноўшчыкам на кінастудыі «Беларусьфільм», а таксама супрацоўнічаў з расійскімі кінастудыямі.
У кіно працаваў з 1968 года. У 1986—1994 гадах быў першым сакратаром Праўлення, старшынёй і сустаршынёй Беларускага саюза кінематаграфістаў.
За сваю кар’еру зняў каля 30 фільмаў і тэлесерыялаў. Сярод найбольш вядомых работ — «Зімародак», «Фруза», «Бацькі і дзеці», «Дзяржаўная мяжа», «Высакародны разбойнік Уладзімір Дуброўскі» і іншыя.
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў32
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары