Мінчанка назбірала ў лесе грыбоў, падобных да вядомага печыва. Ці ядомыя яны?
У лесе проста ў Мінску жанчына знайшла некалькі грыбоў незвычайнай формы, сабрала і прыгатавала з іх страву ў смятанным соусе. Пра гэта жанчына расказала на сваёй старонцы ў Threads, піша Blizko.by.
У каментарыях карыстальнікі параўноўвалі грыб з печывам-«кошыкам» з чырвонай начынкай і выказвалі занепакоенасць, што такія прыгожыя на выгляд грыбы рэдка бываюць ядомымі. Але, паводле слоў аўтаркі, з ёй пасля ўжывання незвычайных лясных знаходак у ежу нічога не здарылася.
Сімпатычныя грыбы называюцца Саркасцыфа аўстрыйская або «чырвоная эльфава чаша». Грыб расце ў лясах і парках умеранага пояса Еўропы і Паўночнай Амерыкі на зямлі, багатай на гумус, на моху, гнілой драўніне, прэлым лісці або на каранёвай гнілі. Пладовыя целы з'яўляюцца ранняй вясной адразу пасля раставання снегу.
Саркасцыфа адносіцца да ядомых грыбоў, праўда, нізкай якасці. Яе мякаць храсткаватая і цвердаватая. Перад прыгатаваннем грыбы абавязкова адварваюць у падсоленай вадзе.
Цяпер чытаюць
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі37
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары