Беларус спрабаваў увезці з Польшчы гашыш у бляшанках з-пад садавіны
Брэсцкія памежнікі за апошнія два тыдні спынілі дзве спробы ўвозу на тэрыторыю Беларусі наркотыкаў, паведамляе прэс-служба Дзяржаўнага памежнага камітэта.
Першы выпадак адбыўся 2 сакавіка ў пункце пропуску «Брэст». У аўтобусе «Познань — Мінск» з дапамогай службовага сабакі звярнулі ўвагу на грамадзяніна Беларусі, у якога ў багажы знайшлі рэчыва расліннага паходжання. Экспертыза паказала, што гэта гашыш.
Жыхар Маладзечна, які раней меў судзімасць за хуліганства, хаваў наркотык у бляшанках з-пад кансерваванай садавіны. Агульная яго маса складала каля 260 грамаў.
Супраць мужчыны завялі крымінальныя справы за незаконнае перамяшчэнне наркотыкаў праз мяжу і іх абарачэнне. Яму можа пагражаць да 15 гадоў пазбаўлення волі.
Другі выпадак адбыўся 15 сакавіка. Жыхар Віцебска, які ехаў аўтобусам «Варшава — Віцебск», спрабаваў увезці марыхуану. Яго затрымалі і змясцілі ў ізалятар часовага ўтрымання. Цяпер адносна яго праводзяцца следчыя дзеянні.
Віталь з-пад Вілейкі, які падпаліў хату з уласнымі дзецьмі, завербаваўся ў расійскае войска. І прапаў на першым жа баявым заданні5
Каментары