Украінская спявачка Ціна Караль са сцэны адказала Ані Лорак на абвінавачванні ў цкаванні і паказала сярэдні палец
Украінская спявачка Ціна Караль са сцэны пракаментавала заяву спявачкі Ані Лорак, якая нядаўна абвінаваціла яе ў нібыта цкаванні і перашкодах кар’еры ва Украіне.
Падчас канцэрта ў Адэсе артыстка эмацыйна адказала на гэтыя словы, а ў канцы звароту зрабіла рэзкі жэст у бок калегі, якая цяпер жыве і працуе ў Расіі, піша Oboz.ua.
Інцыдэнт адбыўся падчас аднаго з выступленняў Караль. Перад выкананнем песні «Україна — це ти» спявачка звярнулася да гледачоў з кароткай прамовай, у якой фактычна адрэагавала на абвінавачванні Лорак.
«Вельмі складана ў жыцці зрабіць выбар і ісці прама, не паварочваючыся ніколі. Вельмі лёгка правай рукой браць расійскія рублі, а левай выціраць слёзы, што «не пускаюць у краіну». Я вельмі хацела гэта сказаць», — заявіла са сцэны Ціна Караль.
Пасля гэтых слоў спявачка паказала сярэдні палец, адрасаваўшы жэст Ані Лорак.
Прычынай публічнай рэакцыі стала інтэрв’ю Лорак расійскім СМІ, якое з’явілася некалькі дзён таму.
У размове з прапагандыстамі артыстка заявіла, што нібыта была вымушаная пакінуць Украіну з-за ціску і «цкавання», якое, па яе словах, перажыла пасля піку папулярнасці.
«Усё гэта супала пасля Еўрабачання (Ані Лорак у 2008 годзе на конкурсе заняла 2‑е месца, расіянін Дзіма Білан выйграў тады «Еўрабачанне». — НН). У 2008—2010 гадах ішоў мой пік гастроляў у Расіі. Я была народнай артысткай Украіны. Гэтая ўзнагарода і той поспех, які наляцеў на мяне, вядома, выклікаў у некаторых людзей непрыемныя пачуцці. Я здабыла ўсё, што магчыма ў гэтай краіне. Трэба рухацца далей, развівацца. І табе проста кажуць: ці ты павінен застацца, ці мы цябе перакрываем», — заявіла Ані Лорак.
Спявачка таксама сказала, што нібыта адчувала сістэмны ціск. Паводле яе слоў, сітуацыя выглядала так, «як быццам з тубы выціскаюць зубную пасту».
У тым жа інтэрв’ю расійская вядучая ўзгадала словы рэжысёра Алега Баднарчука пра тое, што нібыта менавіта Ціна Караль не давала Лорак вярнуцца ва ўкраінскі шоу-бізнэс.
Лорак адказала, што такое меркаванне «не беcпадстаўнае» і што пра гэта нібыта «кажуць усе». Пры гэтым яна не назвала канкрэтных фактаў, якія маглі б пацвердзіць падобныя абвінавачванні.
«Калі я гэтую лавіну на сабе адчула, да каго мне ісці разбірацца? Я гэта адчувала на сабе… Але я разумела, што мне трэба рухацца далей. Калі ўключаюцца супраць цябе на ўзроўні краіны, што я павінна зрабіць?» — заявіла Ані Лорак.
-
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал
-
Іншую скульптуру аўтара скандальнай «Быхаўскай мадонны» чыноўнікі афіцыйна набылі за $15 тысяч толькі праз месяц пасля адкрыцця
-
Уладзімір Някляеў паведаміў пра выхад самай найчаканай сваёй кнігі ў Польшчы
Цяпер чытаюць
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал10
Каментары