Інфармацыйная база, у якой будуць зарэгістраваныя ўсе хатнія гадаванцы і жывёлы-кампаньёны, можа з’явіцца ў Мінску. Пра гэта расказаў начальнік Мінскай гарадской ветэрынарнай станцыі Дзмітрый Шалойка, перадае БелТА.
Навінка можа пачаць працу ў найбліжэйшыя некалькі гадоў. Паводле слоў кіраўніка сталічнай ветстанцыі, спачатку рэсурсам будуць карыстацца толькі ветэрынарныя дактары. Пазней доступ прадаставяць уладальнікам жывёл.
«У гэтай базе будуць захоўвацца звесткі, пачынаючы ад нараджэння жывёлы, а таксама інфармацыя пра вакцынацыі і іншыя ветэрынарныя маніпуляцыі, даныя пра ўладальніка і інфармацыя пра чыпаванне. Калі ўладальнік пагодзіцца на чыпаванне, у базе будзе пазначаны нумар чыпа. Таксама прадугледжаныя падказкі для ветэрынарных дактароў, якія будуць праводзіць прыём», — растлумачыў эксперт.
Калі база апынецца эфектыўнай і інфарматыўнай, досвед Мінска плануюць распаўсюдзіць на ўсю Беларусь.
Гаворачы пра чыпаванне жывёл, Дзмітрый Шалойка адзначыў, што ў сталіцы такую працэдуру прайшлі толькі некалькі тысяч гадаванцаў, бо яна з’яўляецца добраахвотнай.
Між тым чыпаванне можа стаць адзіным шанцам знайсці гадаванца, калі ён уцёк, згубіўся або быў скрадзены. Таксама гэта неабходна для афармлення ветэрынарнага пашпарта хатняй жывёлы.
-
Журналістка «Спутніка» звяртаецца да Лукашэнкі: яе сын паступіў у Вышэйшую школу эканомікі ў Маскве, а дома на яго завялі крыміналку
-
Былы супрацоўнік «Бетэры» запісаў вялікае відэа пра гэта анлайн-казіно. Цяпер у яго праблемы з міліцыяй
-
У Мінску развіталіся з паэтам Уладзімірам Карызнам, аўтарам слоў да цяперашняга дзяржаўнага гімна Беларусі
«Свінні зарохкалі. Без вады даўно не сядзелі, я б ім адключыў». Азаронак абрынуўся на жыхароў раёна Лебядзіны29
Каментары