Дзяржбяспека Літвы папярэдзіла аб правакацыях з боку беларускіх спецслужб
Дэпартамент дзяржаўнай бяспекі Літвы заклікае не паддавацца на правакацыі беларускіх спецслужбаў і падкрэслівае, што за шкодніцкую дзейнасць з боку іншай дзяржавы пагражае крымінальная адказнасць, піша Delfi.lt.
11 лютага на сваёй старонцы ў Facebook ДДБ звярнуў увагу на тое, што ў сацыяльных сетках распаўсюджваюць відэа з YouTube, якое знялі беларускія спецслужбы. На відэа па-літоўску гаворыцца аб праблемах, «створаных несправядлівымі дзеяннямі ўрада». Ахвотным абмеркаваць гэта прапануюць па «бяспечным канале» звязацца з КДБ Беларусі.
«ДДБ папярэджвае і просіць не паддавацца на правакацыю і не ўвязвацца ў шкодную дзейнасць замежнай дзяржавы, бо за гэта пагражае крымінальная адказнасць.
ДДБ нагадвае, што расійскія і беларускія спецслужбы актыўна выкарыстоўваюць сацсеткі ў пошуку патэнцыйных агентаў, праводзяць вербаванне і падтрымліваюць з імі сувязь, і заклікае, калі ўзніклі падазрэнні наконт спробай вербавання або падазрэнняў, штосочаць спецслужбы варожых дзяржаў, інфармаваць пра гэта літоўскую разведку.
ДДБ заклікае тых, хто жыве ў Літве і ўжо ўвязаўся ў дзейнасць расійскіх або беларускіх спецслужбаў або атрымаў прапанову аб супрацоўніцтве, звярнуцца ў ДДБ і скарыстацца магчымасцю па законе пазбегнуць крымінальнай адказнасці».
-
Вальфовіч пракаментаваў заявы СВР і папрасіў Еўропу не дыктаваць Беларусі, як жыць
-
Дзясяткі гадоў экспедыцый у адным ютуб-канале. У Беларусі прэзентавалі відэархіў Міколы Козенкі з народнымі танцамі і абрадамі
-
Някляеў апублікаваў злабадзённы верш. У ім згадваецца і Калеснікава з Бабарыкам, і Ціханоўская, і Пракоп'еў з Пазняком
Някляеў апублікаваў злабадзённы верш. У ім згадваецца і Калеснікава з Бабарыкам, і Ціханоўская, і Пракоп'еў з Пазняком23
Каментары