Эканамістку з «Армтэка», якая перайшла ў IT і дапамагала бяздомным жывёлам, асудзілі па справе Гаюна
Карына Бардухай рабіла паспяховую кар'еру ў IT і лагістыцы, а ў вольны час ратавала сабак. Але нядаўна дзяўчыну асудзілі за «садзейнічанне экстрэмізму».
Карыне Бардухай 30 гадоў, яна з Мінска. Дзяўчына скончыла БДУІР па спецыяльнасці «Інфармацыйныя сістэмы і тэхналогіі ў эканоміцы».
Яшчэ студэнткай БДУІР яна пачынала працу ў 2013 годзе аператарам на МАЗе, пазней працавала мерчандайзерам і рэдактарам сайтаў, паралельна асвойваючы бухгалтэрыю. У 2018‑м Бардухай перайшла ў кампанію «Армтэк» — гэта адзін з найбуйнейшых пастаўшчыкоў аўтазапчастак у краіне. За пяць гадоў дзяўчына вырасла ад шэраговага эканаміста да вядучага спецыяліста і эксперта ў сістэме SAP.
Апошні год перад арыштам Карына працавала бізнэс-аналітыкам у «1ССофтСэрвіс»: праводзіла воркшопы для кліентаў, пісала тэхнічныя заданні і кіравала камандай распрацоўкі. Мяркуючы з водгукаў у Linkedin, калегі цанілі яе за ўменне перакладаць складаныя запыты бізнэсу на зразумелую мову праграмістаў.
Яна не проста валанцёрыла з жывёламі, а бралася за складаныя выпадкі. Карына выходжвала сабак з праблемамі паводзін, шукала ім ператрымку і новы дом. У сацсетках захаваліся яе шматлікія допісы пра пошук кватэр, куды пусцяць з гадаванцамі, і гісторыі пра ўратаванага ёю пса Оскара. Таксама дзяўчына захапляецца фатаграфіяй, танцамі і конным спортам.
Карыну судзілі ў Гомельскім абласным судзе. Ёй інкрымінавалі часткі 1 і 2 артыкула 361‑4 Крымінальнага кодэкса — «садзейнічанне экстрэмісцкай дзейнасці». Падрабязнасці справы невядомыя, але часцей за ўсё па гэтым артыкуле судзяць за напісанне ў чат-бот канала «Беларускі Гаюн».
Дакладны тэрмін, вынесены Бардухай, невядомы, але яна атрымала хімію з накіраваннем.
«Наша Нiва» — бастыён беларушчыны
ПАДТРЫМАЦЬЦяпер чытаюць
Хто забараняе ў Беларусі кнігі — вось гэтыя 22 чалавекі25
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары
Чорговая ахвяра злачыннага рэжыму якая не злейсніла ніякага злачынства, немае ніякай віны акрамя той што мае сумленне, душу, розум, чалавечнасць.
Чалавек з вялікім, чыстым, светлым, добрым сэрцам і сумленнем.
Гэіа злачынства супраць моладзі.
Злачынства супраць нацыі.
Злачынства супраць беларускага народу.
Злачынства супраць чалавечнасці якое здзейснілі карнікі і якое не мае тэрміну даўніны.
Ўсе ніяк не супакояцца дзеля сваіх "палак", паказчыкаў, разлічваючы на сваі пачварныя і крывавыя звання, заробкі, прэміі, за кошт крыві і слез людзей, вынішчэння беларускай нацыі.
Ўсе карнікі заслугоўваюць адказнасць за злачынствы супраць чалавецтва, пазбаўлення іх ганебных званняў і пенсій. Ніводнаму карніку не павінен быць залічаны так званы стаж з 2020 году. Поўнае пазвалкнне пенсій і званняў з пачварнымі ўзнагародамі і тэрмінам за злачынства супраць чалавецтва якое не мае тэрміну даўніны.