«Саладуха выклаў сэлфі з цэнтра сталіцы»: беларусы жартуюць пра блэкаўт па загадзе Лукашэнкі
Да навіны пра тое, што сталіца і іншыя гарады краіны патанулі ў цемры, бо Лукашэнка загадаў эканоміць, а чыноўнікі як заўсёды кінуліся разбіваць ілбы, беларусы паставіліся з гумарам. Сабралі жарты ў сацсетках.
Згадвалі ў жартах галоўнага аўтара ідэі блэкаўта ў Беларусі: «Сёння ўвесь вечар лётаў верталёт. Верагодна, хтосьці зверху глядзеў, як там святло эканоміцца».
Да тэмы прыйшлася і цытата з «Майстра і Маргарыты»: «Цемрадзь, якая прыйшла з Міжземнага мора, нахінула зненавідны пракуратару горад».
Хтосьці працягвае здзіўляцца бясконцым сюрпрызам ад дзяржавы ў Год беларускай жанчыны: «Вы мяне загадзя выбачце, але нешта ў год беларускай жанчыны ўсё ў краіне пайшло па п**дзе».
Нехта з мінчан звярнуў увагу на тое, што адключэнне (дакладней, уключэнне за спазненнем) асвятлення ніяк не перашкодзіла таму, што на Нацыянальнай бібліятэцы рэклама казіно ззяла як звычайна.
Адна жанчына пажартавала: «Муж толькі зразумеў, навошта нам святло абрубаюць. Каб рэкламу Betera было лепш бачна».
«Толькі дзякуючы Betera на мінскіх вуліцах сёння ўвечары хаця б нешта бачна», — напісаў іншы карыстальнік Threads.
Абмяркоўвалі і тое, як цяпер павінен выглядаць жыхар Мінска: «Як зараз павінен выглядаць добрапрыстойны жыхар Мінска (Беларусі)? На лбе ліхтарык, на рукаве флікер, у руках некалькі пачкаў солі. Калі зусім прыстойны, у руках у прыдачу да солі рыдлёўка і скрабок для лёду», «Ультрафіялетавы ліхтарык для пакупкі валюты ёсць, зараз патрэбны ліхтарык па вуліцах хадзіць. Што наступнае трэба будзе прыкупіць?».
Нагодай для жартаў стала і шматпакутная БелАЭС: «Мяркуючы па такому беражліваму асвятленню ў Мінску, АЭС паходу пачала высмоктваць энергію з краіны, а не вырабляць».
Блогер Ігар Лосік жартуе: «Азаронак радуецца, што ў Мінску стала цёмна, таму што яго перасталі пазнаваць на вуліцах і пляваць у спіну».
Журналіст Алесь Пілецкі вырашыў зноў пісаць жарты пра тэлефонныя размовы Лукашэнкі (яго допісы ў 2020 годзе з хэштэгам #давайпака карысталіся папулярнасцю):
— Ало, Наташа?
— Да, Александр Григорьевич.
— Наташа, атключай рубільнік.
— Но… Александр Григорьевич, зачем? Темно ведь, зима. Как…
— Дземаграфічэскую праблему будзем рэшаць. Цемната друх маладзёжы.
— Но Алекса…
— Што ешчо там у нас у павестке? Інфляцыя?
— Да, Александр Григорьевич.
— Закрывай усе магазіны.
— Но, Алекса…
— Нет магазінаў, нет інфляцыі.
Думка аб тым, што святло выключылі, каб вырашыць дэмаграфічны крызіс, прыйшла ў галаву не толькі журналісту: «Цемра — сябар моладзі. У цемры не бачна… Гэта новая праграма па ўзняцці нараджальнасці, а заадно і эканомікі!».
Блогер Джыпсінкоў (Міхаіл Цыганкоў) адрэагаваў серыяй мемаў.
Іншыя беларусы, якія з'ехалі, таксама не ўтрымаліся ад жартаў — яно і не дзіўна, бо людзі ўжо прывыклі да навін прапаганды, якая няспынная распавядае пра цяжкае жыццё ў Еўропе:
«У Еўропе ацяплення на тры дні засталося, а святло выключылі ў горадзе М. Вось справы…».
«У Мінску спецыяльна выключаюць святло. Не таму што эканомія, не таму што аварыя — а з гуманізму. Каб беглыя змагары з Польшчы, гледзячы ў бок Радзімы, не аслеплі ад таго, як тут добра. Бо калі ўключыць ліхтары, яны ўбачаць: шчаслівых людзей, стабільнасць, цёплыя пад'езды, упэўненасць у заўтрашнім дні і, магчыма, нават бясплатную паркоўку.
А гэта ўжо жорстка. Польшча да такога не гатова. Таму ў Мінску цёмна. Цёмна — значыць клапатліва. Цёмна — значыць па-людску. Цёмна — каб не параніць тых, хто з'ехаў па светлую будучыню і зараз жыве пры лямпачцы з Ікеі. Так што калі раптам зноў згасла святло, ведайце: гэта не адключэнне. Гэта патрыятызм з клопатам аб зроку».
«МАЛАНКА: На мяжы затрымана фура з кантрабанднымі ліхтарамі. АМАП спыніў спробу экстрэмістаў вераломна расставіць святло ўздоўж дарог. Мэта дыверсіі — сарваць указ і не даць беларусам атрымліваць асалоду ад прэзідэнцкай цемры. У МУС заявілі: «Гэта акт агрэсіўнага асвятлення суверэннай тэрыторыі». Кантрабандныя люмены канфіскаваны. Памятайце: спроба падсвятліць шлях без санкцыі зверху — гэта дзяржздрада. Сапраўднаму патрыёту ліхтар не патрэбны, яго шлях асвятляе вернасць курсу!».
А на фан-старонцы беларускага спевака Ap$ent згадалі, што ў яго ёсць песня «Цемра», якая можа быць саўндтрэкам да ўчорашняй сітуацыі ў Беларусі.
“Цемра” слухаць на ўсех мызыкальных пляцоўках.
«Рукі прэч ад сасісачак!». У сацсетках горача абмяркоўваюць барацьбу Лукашэнкі з кавай на запраўках. Некаторыя заклікаюць дзейнічаць больш жорстка
«Усё святло пайшло на падсветку «Мінск-арэны». Што беларусы гавораць пра цемрадзь на гарадскіх вуліцах і дарогах
Жанчынам далі каманду радавацца: на заяву Лукашэнкі адрэагавалі прапагандысткі ды штатныя прыгажуні
На новых станцыях метро ў Мінску ўжо пасыпалася фарба. У сеціве іранізуюць пра «Год якасці»
Каментары