Энергасістэма аднаўляецца пасля аварыі, аднак дэфіцыт магутнасцей застаецца вельмі высокім.
Людзей, у якіх цяпер ёсць электраэнергія, заклікалі карыстацца ёю ашчадна, паведамляе Украінская служба Радыё Свабода.
У Харкаўскай, Жытомірскай і Адэскай абласцях ужо вяртаюць святло жыхарам. У Кіеве, Кіеўскай і Днепрапятроўскай абласцях аднавілі электразабеспячэнне крытычнай інфраструктуры, насельніцтву электраэнергію будуць вяртаць паступова. У некаторых абласцях пакуль дзейнічаюць аварыйныя адключэнні.
У Міністэрстве лічбавай трансфармацыі Украіны абверглі чуткі, што аварыю выклікала кібератака.
Паводле звестак уладаў, аварыя адбылася ў выніку адначасовага адключэння высакавольтных ліній паміж энергасістэмамі Румыніі і Малдовы, а таксама паміж заходняй і цэнтральнай часткамі Украіны.
У суседняй Малдове, дзе таксама адбыўся маштабны збой, працэс аднаўлення электразабеспячэння ўжо знаходзіцца на завяршальнай стадыі.
Някляеў апублікаваў злабадзённы верш. У ім згадваецца і Калеснікава з Бабарыкам, і Ціханоўская, і Пракоп'еў з Пазняком23
Каментары