Беларуска паскардзілася, што заразілася грыбком праз пракатныя канькі. Гэта рэальна?
У сацыяльнай сетцы Threads набрала папулярнасць гісторыя дзяўчыны, якая, наведаўшы каток, заразілася грыбком праз пракатныя канькі. Яна выказала абурэнне якасцю санітарнай апрацоўкі інвентара і адзначыла, што цяпер ёй давядзецца прайсці працяглае лячэнне. Пасля гэтага выпадку дзяўчына вырашыла ў далейшым хадзіць на лёд толькі са сваёй уласнай экіпіроўкай, піша «Мінская праўда».
Медыцынская экспертка, дацэнт кафедры дзіцячых інфекцыйных хвароб БДМУ і доктар вышэйшай катэгорыі Алена Кішкурна патлумачыла, што рызыка заражэння грыбком праз чужы абутак сапраўды існуе. Споры грыбка доўга захоўваюцца ў навакольным асяроддзі, а цёплыя і вільготныя ногі ў пракатных каньках ствараюць ідэальныя ўмовы для інфекцыі.
Шкарпэткі могуць істотна знізіць рызыку заражэння, аднак пасля выкарыстання чужога абутку іх трэба абавязкова памыць. Менавіта таму ў абутковых крамах пры прымерцы выдаюць аднаразовыя шкарпэткі — для бяспекі кліентаў, каб прадухіліць перадачу інфекцый.
Акрамя таго, варта памятаць, што звычайны антысептык хлоргексідзін не дзейнічае на грыбок. Для прафілактыкі і лячэння патрэбныя спецыяльныя спрэй-сродкі з супрацьгрыбковымі рэчывамі (антымікотыкі).
Цяпер чытаюць
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю22
Каментары