Ікра, вугор і нарвежскі ласось. У Мінску адкрылася флагманская крама морапрадуктаў ФОТА
Сетка «Чацвер» адкрыла флагманскую краму ў сталічнай Малінаўцы. Вітрыны выдзелены пад ахалоджаны нарвежскі ласось, смажаны вугор, розныя віды ікры, грабеньчыкі і сінія мідыі. З уласнай вытворчасці падаюць рыбныя пельмені, тэфтэлі і боршч з велізарным кавалкам сёмгі, піша Onliner.
Фішмаркет заняў частку плошчаў у ГЦ Green (былы «Віталюр») недалёка ад станцыі метро «Малінаўка».
Асноўная вітрына ломіцца ад чырвонай і чорнай ікры, у тым ліку адборнай — ад 20‑гадовых асятроў. Побач выкладзена чырвоная рыба — як салёная, так і вэнджаная.
З ёй суседнічае вітрына з ахалоджанай рыбай — сібасам, дарадай і фарэллю, якая прыляцела з Нарвегіі. Тут жа мясцовы эксклюзіў — галандскі селядзец «Мацье». Майстры «Чацвярга» яго самі чысцяць, разбіраюць і соляць.
Збоку выстраіліся халадзільнікі з замарожанай рыбай і морапрадуктамі. Тут «водзяцца» вялікія крэветкі, кальмары, васьміногі, грабеньчыкі ў ракавінках, сінія і чорныя мідыі. Ёсць таксама слайсы пад карпача, смажаны вугор, медальёны і стэйкі з тунца.
Асобная секцыя выдзелена пад рыбныя паўфабрыкаты: пельмені, палачкі, тэфтэлі з фарэлі, фішболы і мідыі ў марынадзе. Сярод супоў — том кха, том ям з морапрадуктамі і боршч з велізарным кавалкам фарэлі. З незвычайнага — філе мінтая пад сырам.
Цэны такія: ахалоджаны нарвежскі ласось — 49,9 рубля за кг, галандскі селядзец «Мацье» — 41,9, сінія мідыі — 26, кальмары — 25, грабеньчыкі — 35. Бляшанка ікры гарбушы абыдзецца на 48,5 рубля за 100 г. Супы з порцыямі на дваіх стартуюць ад 19,8 рубля, палачкі з мінтая — 12,9, а фішболы — 14,49.
У краме працуюць фішмонгеры. Іх можна папрасіць бясплатна пачысціць і разабраць рыбу. Ласось тут жа разрэжуць на філе або стэйкі.
Цяпер чытаюць
Жонка адгаворвала падпалкоўніка ДФР браць хабары, а той казаў «атрымаю палкоўніка — і на пенсію»: першая пенсія прыйшла ўжо на арыштанцкі рахунак4
Жонка адгаворвала падпалкоўніка ДФР браць хабары, а той казаў «атрымаю палкоўніка — і на пенсію»: першая пенсія прыйшла ўжо на арыштанцкі рахунак
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары
ў ракушках -- ў ракАВІНКах,[Рэд. — Дзякуй, выправiлi]
[Зрэдагавана]