У Брэсце са страўніка хворага бусла дасталі кілаграм зямлі і камянёў
У брэсцкі цэнтр ратавання дзікіх жывёл «Дом брэсцкага бусла» даставілі цяжка хворага бусла, які пяць дзён нічога не еў. Людзі, у якіх ён жыў раней, расказалі, што спрабавалі лячыць птушку самастойна, піша Blizko.by.
Пры аглядзе высветлілася, што ў дзюбе бусла засталіся рэшткі камбікорму, а гаспадары давалі буслу аліўкавы алей, марганцоўку і нават камяні — яны палічылі, што гэтага патрабуе страваванне, бо так робяць у доглядзе за курамі. Аднак у выпадку буслоў такі падыход — небяспечны, і менавіта ён прывёў птушку да цяжкага стану.
Падчас ветэрынарных працэдур з буслінага страўніка дасталі больш за кілаграм зямлі, пяску, камянёў і слізі. Пасля прамывання жывёліне зрабілі неабходныя аналізы і прызначылі лячэнне.
У цэнтры спадзяюцца, што бусел, якому далі мянушку Камняед, хутка адновіцца і зможа перасяліцца ў вальер да іншых птушак.
Цяпер чытаюць
Толькі жмінда і лянівы не падтрымлівае «Нівы»! Вы можаце за хвіліну падтрымаць «НН» падаходным, не патраціўшы ні капейкі сваіх5
Каментары
Добра, што з птушкай усё добра сталася.