У продажы на Камароўскім рынку ў Мінску з’явіліся першыя падарункавыя наборы салодкіх прысмакаў ад беларускіх і замежных вытворцаў. Усе навінкі і цэны паказалі ў Instagram, піша Blizko.by.
Сталічная «Камунарка» дапоўніла свой асартымент на рынку куфэркам са слодычамі коштам 113,08 рубля, мяккімі цацкамі ў выглядзе Дзеда Мароза (88,59 рубля), каня (92,48 рубля) і капібары (69,39 рубля) з цукеркамі ўнутры, падарункавымі наборамі ў вялікіх і маленькіх скрыначках за 83,49 і 6,53 рубля адпаведна, а таксама аксамітнымі мяшочкамі за 37,18 рубля і звыклымі цукеркавымі падарункамі ў кардонных куфэрках за 11,70, 33,39 і 52,58 рубля ў залежнасці ад памеру.
Гомельскі «Спартак» прывёз на «Камароўку» некалькі цукеркавых набораў у кардонных куфэрках коштам ад 5,86 да 38,48 рубля, плюшавых коней (91,96 рубля) і тубусы са слодчамі ўнутры, а таксама круглыя бляшаныя скрыначкі з імбірным печывам і два падарункавыя наборы шакаладных цукерак.
Айчынны «Слодыч» дапоўніў асартымент святочным наборам печыва з трыма начынкамі — з журавінамі, шакаладам і арахісам (12,23 рубля).
Навінкамі абзавялася і швейцарская Milka. Аматары шакаладу змогуць набыць падарункавыя куфэркі з цукеркамі і мяккімі цацкамі ў выглядзе Дзеда Мароза, аленя або мядзведзя за 55 рублёў, а таксама калядныя шкарпэткі з салодкай начынкай за 69 з паловай рублёў.
Kinder у навагоднім афармленні можна купіць у выглядзе святочнай шкарпэткі з шакаладам за 60 рублёў або кардоннага куфэрка ў выглядзе мядзведзя з цукеркамі за 40 рублёў.
-
Штучны інтэлект не ваш супернік, а ваш памочнік. Давярайце інавацыям, вам проста давядзецца ўвесь час падвучвацца
-
Нарвегія стварае «Tinder для навукоўцаў і бізнэсу». Урад будзе аплачваць «першае спатканне»
-
Амерыканцы любяць гаварыць пра заняпад Еўропы. Але большасць еўрапейцаў жыве лепш за іх. Праўда, яшчэ не беларусы
Каментары