Махляры выманілі ў жыхара Баранавічаў 16 тысяч рублёў і адправілі па дакументы ў Казахстан
Махляры пад выглядам афармлення візы ў ЗША выманілі ў 30‑гадовага жыхара Баранавічаў больш за 16 тысяч рублёў.
Мужчына знайшоў у інтэрнэце сайт, на якім прапаноўваліся хуткія і якасныя паслугі па адкрыцці візы ў ЗША. Яго адміністратары нават падзяліліся кантактамі былых кліентаў, пагаварыўшы з якімі, малады чалавек пачуў захопленыя водгукі пра фірму і паспяхова атрыманыя візы. Жыхар Баранавічаў паверыў у надзейнасць кампаніі і перавёў на ўказаны рахунак належную суму.
«Для канчатковага афармлення дакументаў яму трэба было ляцець у Казахстан. Прыляцеўшы на месца і прыехаўшы па ўказаным адрасе, ён пабачыў закрыты будынак. Тэлефоны, па якіх мужчына раней меў зносіны з кансультантамі і кліентамі, аказаліся недаступныя», — расказалі падрабязнасці ва УУС.
Следчыя завялі крымінальную справу па ч.3 арт.209 (махлярства ў буйным памеры) КК.
Цяпер чытаюць
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна44
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары