У рэдакцыю сайта «Белка» звярнулася чытачка. «Раз на месяц у мяне здараецца моцны прыступ мігрэні, які доўжыцца суткі і больш. Калі я прыйду на прыём да тэрапеўта, мне выпішуць бальнічны?» — цікавіцца гамяльчанка.
У Гомельскай гарадской клінічнай паліклініцы №9 станоўча адказалі на гэтае пытанне, піша belkagomel.by.
«Прыступ мігрэні можа пазбавіць чалавека працаздольнасці. Таму ўрач мае права выдаць лісток непрацаздольнасці на перыяд, пакуль доўжыцца востры стан. Звычайна гэта дзень або два.
Звярнуцца можна да доктара агульнай практыкі або да неўролага. Спецыяліст не толькі аформіць лісток непрацаздольнасці, але і прызначыць лячэнне, якое дапаможа спыніць прыступ. Цяпер для гэтага ёсць спецыяльныя прэпараты», — удакладніла доктар-тэрапеўт, загадчыца аддзялення прафілактыкі Вольга Гайкевіч.
Спецыяліст назвала і іншыя выпадкі, калі можна ўзяць «кароткі» бальнічны. Падставай можа быць гіпертанічны крыз, які спынілі, і стан пацыента стабільны. Яшчэ адзін прыклад — прыступ эпілепсіі. Тут без выкліку хуткай дапамогі звычайна не абысціся, але пасля яе прыезду пацыент можа звярнуцца ў паліклініку па бальнічны на дзень-два.
-
Прышчэпка ад COVID-19 дапамагае ў барацьбе з ракам — даследаванне
-
Стан чатырох чалавек, якія пацярпелі ўчора падчас надзвычайнага здарэння на «Беларуськаліі», стабільна цяжкі
-
Гэта прышчэпка можа выратаваць жанчын ад аднаго з відаў раку. Усё, што трэба ведаць пра вакцынацыю ад віруса папіломы чалавека
Каментары