Найбуйнейшы пастаўшчык ноўтбукаў спыніў гарантыйнае абслугоўванне ў Беларусі
Кампанія Asus з 1 студзеня цалкам спыніла гарантыйнае абслугоўванне прылад з міжнароднай гарантыяй на тэрыторыі Расіі і Беларусі.
Пра гэта гаворыцца ва ўнутраным паведамленні расійскага падраздзялення вытворцы, адрасаваным сэрвісным партнёрам і апублікаваным вядомым спецыялістам па рамонце Віктарам Веклічам (Vik-on), піша Moscow Times.
Згодна з дакументам, аўтарызаваным сэрвісным цэнтрам цяпер забаронена прымаць па гарантыі прылады, афіцыйна пастаўленыя ў іншыя краіны і якія маюць статус міжнароднай гарантыі.
Як адзначае iXBT, уладальнікам такой тэхнікі цяпер давядзецца звяртацца для гарантыйнага рамонту ў сэрвісныя цэнтры тых дзяржаў, дзе праграма міжнароднага абслугоўвання Asus працягвае дзейнічаць — напрыклад, у іншых краінах СНД. Гэта пазбаўляе пакупнікоў у Расіі і Беларусі, якія набывалі прылады праз паралельны імпарт або за мяжой, усіх гарантыйных пераваг. У выпадку паломкі ім давядзецца альбо самастойна аплачваць рамонт, альбо арганізоўваць адпраўку прылады ў іншую краіну, піша партал.
Цяпер чытаюць
«Для беларускіх уладаў я, хутчэй, магчымасць, а не пагроза». Калеснікава дала вялікае інтэрв’ю Золатавай86
Каментары