Тэлеграм-бот @facement_bot, які займаўся дэананімізацыяй супрацоўнікаў МУС і КДБ, часова спыніў працу, паведамілі «Кіберпартызаны».
Здымак ілюстрацыйны. Фота: LookByMedia
Цяпер праводзіцца абнаўленне базы даных, паляпшэнне алгарытмаў і дадаюцца новыя функцыі. Падчас працэсу распрацоўкі выявілася, што прамежкавая версія праграмы апошнія дні выдавала няправільныя вынікі. Каманда распрацоўшчыкаў просіць прабачэння і абяцае хутка выправіць памылку.
Калі пры праверцы фота бот паказваў супадзенне на 100%, то «Кіберпартызаны» раяць паўтарыць пошук пасля выхаду новай версіі, бо такі вынік быў тэхнічнай памылкай — сапраўднае стопрацэнтнае супадзенне магчымае толькі для аднолькавых здымкаў.
Пра аднаўленне працы і запуску абноўленага бота «Кіберпартызаны» паведамяць на афіцыйным канале.
Каментары
Цяпер беларусы яшчэ болей будуць падазраваць і мець нянавісць на адно аднога.
А тым хто дае крытыку працы на тэлеграм-канале кіберпартызанаў - выстаўляецца бан... Ну так вы ніколі не даведаецеся і пра іншыя "фічы"... Віншую.
Класна.