Грамадзяне з літоўскім ВНЖ могуць праехаць праз «Каменны Лог» толькі ў бок Літвы
Літоўскія памежнікі ўдакладнілі спіс замежнікаў, якія могуць праехаць праз пункт «Меднікі» («Каменны Лог»).
Паводле інфармацыі на сайце літоўскага Памежнага камітэта, замежныя грамадзяне з літоўскім ВНЖ і грамадзяне іншых краін ЕС могуць толькі вярнуцца з Беларусі ў Літву, а не ездзіць у абодва кірункі.
Цалкам спіс асоб, якія могуць праехаць праз памежны пункт, выглядае так:
- асобы, якія маюць дыпламатычныя пашпарты або перавозяць дыпламатычную пошту Літоўскай Рэспублікі;
- асобы, якія вандруюць са спрошчаным транзітным дакументам, выдадзеным у адпаведнасці з рэгламентам Савета (ЕС) № 693/2003, то-бок тыя, хто едзе транзітам у Калінінградскую вобласць з Беларусі і назад;
- грамадзяне Літоўскай Рэспублікі і грамадзяне краін Еўрапейскага саюза і члены іх сем'яў, якія накіроўваюцца ў Літоўскую Рэспубліку;
- для асоб, якія маюць від на жыхарства ў Літоўскай Рэспубліцы і накіроўваюцца ў Літоўскую Рэспубліку.
Памежны пераход «Салечнікі» (з беларускага боку «Беняконі») цалкам закрыты.
Сёння ўрад Літвы прыняў рашэнне пра закрыццё мяжы з Беларуссю мінімум да серады. Пасля пасяджэння ўрада стане вядома пра далейшае развіццё сітуацыі. Літоўскі бок гатовы да доўгатэрміновага закрыцця мяжы.
«Мы ўжо падрыхтавалі рашэнне аб закрыцці мяжы з Беларуссю на неакрэслены тэрмін», — заявіла прэм'ер-міністр Інга Ругінене.
Вечарам 26 кастрычніка чарговы раз была спынена праца Віленскага аэрапорта. Гэта ўжо трэці вечар запар, калі з-за вялікай колькасці кантрабандысцкіх шароў з боку Беларусі спыняліся палёты і закрываліся памежныя пункты пропуску. Агулам у кастрычніку было сарвана больш за 170 рэйсаў у літоўскіх аэрапортах, пацярпелі 27 000 пасажыраў.
Цяпер чытаюць
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося35
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1111
Каментары