З нечаканай сітуацыяй сутыкнуўся 65‑гадовы берасцеец. Звярнуўшыся ў ДАІ для ўнясення змяненняў у пасведчанне аб рэгістрацыі транспартнага сродку, ён атрымаў адмову.
Прычынай стала несупадзенне ідэнтыфікацыйнага нумара на кузаве з нумарам на заводскай таблічцы. У пытанні разбіраліся эксперты, паведамляе Дзяржаўны камітэт судовых экспертыз.
Пры даследаванні ідэнтыфікацыйнага нумара Volkswagen Passat спецыяліст устанавіў, што ён зменены. Акрамя таго, ранейшая асноўная заводская таблічка на аўтамабілі была выдалена, а на яе месца ўсталявана іншая, вырабленая не па тэхналогіі нямецкага аўтазавода.
Эксперту ўдалося ўстанавіць першапачатковы ідэнтыфікацыйны нумар, што дазволіла адсачыць біяграфію аўтамабіля. Аказалася, што транспартны сродак з адноўленым VIN-нумарам лічыўся ва ўгоне ў Столінскім раёне з пачатку 2000‑х гадоў.
Як адзначаюць эксперты, выпадкі, калі ўгнаны аўтамабіль знаходзіцца на тэрыторыі той жа краіны, — выключэнне. Найчасцей карані крымінальнага аўтамабіля ідуць на тэрыторыю іншых дзяржаў.
Цяпер чытаюць
У мінскім метро праходзяць выпрабаванні новыя цягнікі ФОТЫ1
Каментары