«Недахоп кіроўцаў жахлівы. Выязджаюць, бо ў Беларусі вельмі нізкі ўзровень жыцця». На СТБ прарваўся крык душы
Старшыня Асацыяцыі прафесійных перавозчыкаў пасажыраў агучыла прычыну трагедый на дарогах. Прапагандыстам гэта не спадабалася.
У ток-шоу на СТБ абмяркоўвалі апошнія гучныя ДТЗ з удзелам маршрутак.
«Усё, што мы цяпер гаворым — пра ДТЗ, якое адбылося пад Смалявічамі, у Светлагорску, прышпілены ці не прышпілены пасажыры, перавозка пасажыраў звыш нормы, — гэта ўсё наступствы. (…)
На нас, перавозчыкаў, можна колькі заўгодна ўскладаць адказнасць, аднак калі ў нас не адновіцца працоўны рэсурс кіроўцаў, недахоп якіх цяпер проста жахлівы, калі мы не прыдумаем на ўзроўні дзяржавы, заканадаўцаў, кіраўніка дзяржавы, Адміністрацыі прэзідэнта, калі ў нас не будзе гэтых мер, то нас хутка хто будзе вазіць? Праграмісты?» —
выказалася пра набалелае старшыня Асацыяцыі прафесійных перавозчыкаў пасажыраў «АППП» Кацярына Станкевіч.
«Чаму адным нейкія льготы прадастаўляюцца, а тым, хто з’яўляецца самым важным, адказным звяном пры перавозцы пасажыраў, у нас гэтага нічога няма.
Недахоп кіроўцаў страшнейшы. Кваліфікацыя падае ўсюды — гэта і пасажырскія перавозкі, гэта і грузавыя перавозкі», —
працягнула Станкевіч і паспрабавала назваць дзве прычыны:
«Выязджаюць па доўгі рубель. У Беларусі ў нас вельмі нізкі ўзровень жыцця. Ну і заробак адпаведна».
Аднак працягнуць ёй не далі вядучыя, якія запратэставалі. Кірыл Казакоў заўважыў, што бачыў абвестку, у якой было пазначана, што заробак кіроўцы — 4000 рублёў.
«Калі вы мне скажаце, што 4000 рублёў у Мінску — гэта маленькі заробак, не», — выказаў свой погляд Казакоў.
«Для параўнання — Еўропа. Ад дзвюх з паловай тысяч еўра», — паспрабавала давесці Станкевіч. Аднак Казакоў яе спыніў і стаў расказваць пра тое, як добра працуе грамадскі транспарт у сталіцы.
Мацкевіч: Не пара аспрэчваць лідарства Ціханоўскай. Яна вельмі добрая ў якасці лідаркі6
Мацкевіч: Не пара аспрэчваць лідарства Ціханоўскай. Яна вельмі добрая ў якасці лідаркі
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары