«У Беларусі нават птушкі спешваюцца». Тыкток скарыла ВІДЭА вельмі ветлівай вароны
У тыктоку з'явіўся ролік, зняты на адной з дарог Беларусі. Яго галоўным героем стала вельмі ветлівая варона, якая сваімі паводзінамі проста скарыла карыстальнікаў сацсетак, піша выданне Telegraf.news.
Ролік зняў пасажыр аўтамабіля, якому давялося прытармазіць перад пешаходным пераходам. Па ім дзелавіта крочыла шэрая варона, якая, відавочна, не шукае лёгкіх шляхоў.
Замест таго, каб пераляцець праезную частку ў некалькі ўзмахаў крыла, птушка па незразумелай прычыне вырашыла перасячы праезную частку пешкі.
«У Беларусі нават птушкі спешваюцца, калі пралятаюць над пешаходным пераходам», — зрабіў жартаўлівую адсылку да нядаўніх зменаў у ПДР Беларусі адзін з гледачоў.
Зрэшты, больш за ўсё каментатараў уразіў не сам факт таго, што птушка па нейкай адной толькі ёй вядомай прычыне вырашыла прайсціся пешшу па «зебры», а тое, як яна гэта зрабіла.
У адзін з момантаў варона на долю секунды затрымалася насупраць машыны, што прытармазіла, і зрабіла ветлівы кніксэн, чым і заваявала сэрцы гледачоў.
«Нават галавой кіўнула, кшталту «дзякуй»!» — адзначыў адзін з гледачоў.
«Яна зрабіла «кніксен», кшталту «мерсі», разумныя птушкі!», — пахваліў іншы.
«Якая важная мадам — яшчэ ж і кіўнула, ачмурэць», — захапілася яшчэ адна глядачка.
«Тое пачуццё, калі варона мудрэйшыя за некаторых пешаходаў», — не ўтрымаўся ад з'едлівай заўвагі яшчэ адзін каментатар.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў32
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары