У Літве пакуль што не зафіксавалі ніякіх правакацый у сувязі з вучэннямі «Захад-2025»
У Беларусі цяпер ідуць сумесныя вайсковыя вучэнні з Расіяй пад назвай «Захад-2025». У літоўскай арміі адзначаюць, што падчас такіх манеўраў магчымыя правакацыі, аднак прамога нападу на Літву ці НАТА не чакаецца — рызыка лічыцца нізкай. Кіраўнік Памежнай службы Літвы Рустам Любаеў паведаміў LRT, што сітуацыя на мяжы з Беларуссю застаецца стабільнай і спакойнай.
Паводле Рустама Любаева, памежнікі не заўважаюць дадатковай актыўнасці з беларускага боку, няма ні вайсковых перасоўванняў, ні іншых падазроных дзеянняў. Спакойна і на мяжы з Калінінградскай вобласцю. Галоўны літоўскі памежнік падкрэсліў, што правакацый пакуль таксама не было.
Пры гэтым, як паведаміў міністр унутраных спраў Уладзіслаў Кандратовіч, Літва пакуль пакінула адкрытымі два памежныя пункты — у Медніках і Салечніках. Калі ж здарыцца правакацыя, то кіраўнік памежнай службы мае права неадкладна закрыць гэтыя пераходы.
Рустам Любаеў адзначыў таксама, што, нягледзячы на закрыццё польскай мяжы, Літва не адчувае росту патокаў людзей ці транспарту з Беларусі. Паводле звестак на поўдзень суботы, у Медніках і Салечніках поўная цішыня: чаргі грузавікоў не назіраюцца, а рух легкавых машын нават крыху меншы, чым звычайна.
Вучэнні «Захад-2025» пачаліся ў пятніцу раніцай. Паводле даных літоўскай арміі, у іх удзельнічаюць каля 30 тысяч вайскоўцаў. Да 8 тысяч дыслакавана ў Беларусі, каля 4 тысяч — у Калінінградскай вобласці. Галоўная мэта гэтых вучэнняў — прадэманстраваць вайсковую моц краінам Захаду.
У самай Літве прыняты дадатковыя меры бяспекі: у паветры дзяжураць знішчальнікі Іспаніі і Венгрыі ў рамках місіі НАТА, на мяжы з Беларуссю знаходзіцца падраздзяленне супрацьпаветранай абароны з сістэмамі кароткага радыусу дзеяння. У краіне раскватараваныя больш за 4 тысячы вайскоўцаў саюзнікаў.
Акрамя таго, працягваецца доўгатэрміновы праект умацавання мяжы: ужо заблакаваныя або падрыхтаваныя да блакавання больш за два дзясяткі запасных дарог, якія маглі б выкарыстоўвацца для пранікнення з Беларусі і Расіі.
На вучэннях «Захад-2025» адпрацоўвалі знішчэнне дыверсантаў
Польскае выданне назвала Церцеля архітэктарам спецаперацыі, якая разгортваецца паралельна з вучэннямі «Захад»
На вучэннях «Захад» адпрацоўваюць напад на Польшчу і Літву пад выглядам абароны Калінінграда
Міжнародныя эксперты ацанілі расійскі кантынгент на вучэннях «Захад-2025»
Літоўская армія: Рызыка нападу падчас вучэнняў «Захад» нізкая, але верагоднасць правакацый узрасла
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ31
Каментары