Лінгвістка і былая палітзняволеная Наталля Дуліна распавяла, як праходзіць яе адаптацыя пасля вызвалення
9 жніўня Наталля Дуліна першы раз пасля вызвалення наведала штогадовую канферэнцыю «Новай Беларусі».
У калідорах Варшаўскага ўніверсітэта, дзе адбывалася дыскусія, Наталля Дуліна падзялілася з «Нашай Нівай», што ўражанне ад свайго першага пасля вызвалення вялікага мерапрыемства мае добрае.
«Мне асабліва гэта карысна, таму што я правалілася ў гэтую часавую дзірку, зараз я нанова гэта пражываю, пры чым пражываю ў зусім іншым фармаце і іншым асяроддзі», — сказала яна.
Зараз лінгвістка адаптуецца да жыцця ў Вільні і кажа, што адчувае сябе нармальна. Бліжэйшым часам яна плануе лячыць зубы і дыстанцыйна выкладаць.
«Калі я выйшла, у мяне быў моцны шок праз тое, як гэта атрымалася. Але літаральна праз пару дзён я прыйшла ў сябе. Па-першае, гэта звязана з тым што нас сустрэлі людзі, арганізацыі беларускія, якія нас проста ўзялі на рукі і панеслі. Усе неабходныя рэчы — нас усім забяспечылі», — кажа яна.
Шок ад нечаканага вызвалення ёй дапамагло перажыць і тое, што сваякі ў Беларусі сказалі ёй, што ім цяпер за яе спакойна.
«Я вельмі рада, што ім нарэшце не трэба кожны дзень трапаць нервы і што яны сапраўды шчаслівы, што я цяпер у бяспецы. Я калі гэта пачула, я зразумела, што ў гэтым ёсць плюс. Калі я магу гэтым іх пазбавіць ад дрэнных думак, ад нерватропкі, ад трывожнасці — гэта ўжо вельмі добра».
Арганізатары канферэнцыі «Новая Беларусь» паведамілі, што ў першы дзень мерапрыемства сабрала больш за 420 чалавек, сярод іх — каля 50 замежных дыпламатаў і 70 журналістаў з розных краін.
Першую панэльную дыскусію прысвяцілі меркаванню журналістаў, экспертаў і палітзняволеных аб тым, «як мы змяніліся за 5 гадоў». Менавіта на ёй і выступіла Дуліна.
«Свабода канчаецца там, дзе пачынаецца страх», — сказала яна падчас сваёй прамовы.
Усе грошы экс-палітзняволенай Наталлі Дулінай сабралі за лічаныя гадзіны
Дуліна супраць зняцця санкцый: Гэта як дамаўляцца з людажэрам, каб ён больш не еў людзей
Былая выкладчыца МДЛУ Наталля Дуліна веганка. Як яна харчавалася ў калоніі?
«Стаяць на сваім, кожны наколькі можа!» Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі
Цяпер чытаюць
Пра што маўчыць Аляксей Францкевіч, якому Польшча закрыла ўезд на 10 гадоў67
Каментары