У Літве думаюць не пра адмену, а пра пашырэнне санкцый супраць Беларусі
На фоне дыскусій пра магчымасць аднаўлення транзіту беларускіх угнаенняў праз Літву міністр замежных спраў гэтай краіны Кястуціс Будрыс раскрытыкаваў публічныя ацэнкі сітуацыі, сцвярджаючы, што яны шкодзяць Літве. Ён таксама падкрэсліў, што пытанне змякчэння санкцый ці аднаўлення транзіту ўгнаенняў у гэты момант зусім не разглядаецца, піша Delfi.
«Я яшчэ раз падкрэсліваю, што ніякія працэсы, звязаныя з пераглядам санкцыйнай палітыкі і канкрэтных мер у дачыненні да Беларусі, цяпер не адбываюцца. Наадварот, мы разглядаем, як пашырыць гэтае кола і якія яшчэ меры ўздзеяння варта прымяніць», — заявіў Кястуціс Будрыс 30 ліпеня журналістам у будынку ўрада.
Ён падкрэсліў, што неаднаразова выказваў сваю пазіцыю як на закрытых, так і на адкрытых пасяджэннях.
«Шкада, што члены Сейма, якія распаўсюджваюць чуткі без усялякіх падстаў, не прыходзяць на пасяджэнні, дзе можна было б абмеркаваць сітуацыю, а замест гэтага ствараюць ілюзію, быццам нешта адбываецца», — адкінуў міністр спекуляцыі.
Будрыс не ўдакладніў, як выглядае прапанова кампаніі Birių krovinių terminalas (Тэрмінал насыпных грузаў), якая ляжыць у канцылярыі ўрада, адносна мірнага ўрэгулявання спраў з «Беларуськаліем». Паводле слоў міністра, публічныя каментары шкодзяць пазіцыям Літвы ў міжнароднай арбітражнай справе, якая разглядаецца акурат цяпер.
Прэм’ер-міністр Літвы Гінтаўтас Палуцкас нядаўна таксама заявіў, што ўрад Літвы па стане на гэты момант не разглядае пытанне аднаўлення транзіту ўгнаенняў.
Прэм'еру і спікеру Сейма Літвы прыпомнілі, што яны 17 гадоў таму ездзілі ў Беларусь
Прэм'ер Літвы: За выключэннем асобных людзей пятай калоны ў краіне няма
Літва не будзе спяшацца з адказам на прапанову Беларусі аднавіць пасажырскія чыгуначныя зносіны
Прэм'ер Літвы: Санкцыі супраць Расіі і Беларусі павінны быць хаця б рэгіянальнымі, нацыянальныя без толку
Цяпер чытаюць
«Хаваеш свой жах, бо гэта шкілет са скурай». Святлана Ціханоўская прызналася, ці пазнала Сяргея праз пяць гадоў1
Каментары